د پاکستان دولتي بانک د مشر جمیل احمد په وینا پاکستان د ۲۰۲۵ کال د مارچ په میاشت کښې ۴.۱ بیلین ډالر ریکارډ حوالې ترلاسه کړې.
دا د فرورۍ په میاشت کښې د ۳.۱۲ بیلین ډالرو په پرتله ډېره ده. چې د هیواد اقتصاد ته د پام وړ وده ورکوي. د ۲۰۲۵ کال د جنورۍ په پرتله حوالې ۳.۸ سلنه زیاتې شوې دي.
د مالي کال په لومړیو نهو میاشتو (جولای-مارچ) کښې ټولې حوالې ۲۸.۰۷ بیلین ډالر ته ورسېدې. چې د تیر کال د همدې مودې په پرتله ۳۳ سلنه زیاتوالی ښیي.
د پاکستان په سټاک ایکسچینج کښې د خبرو پرمهال والي. احمد وړاندوینه وکړه چې بهرنۍ زیرمې به د جون تر میاشتې پورې له ۱۴ بیلین ډالرو څخه ډېرې شي. هغه یادونه وکړه چې د ۲۵ مالي کال لپاره د بهرنۍ پور د بیرته ورکولو مکلفیتونه ۲۶ بیلین ډالره دي. مګر نږدې ۱۶ بیلین ډالره به رول اوور یا بیا تمویل شي. چې د بیرته ورکولو اصلي بار به شاوخوا ۱۰ بیلین ډالرو ته راکم کړي.
د دولتي بانک مشر د اقتصادي فعالیتونو بیا ژوندي کېدو ته اشاره وکړه. خو هغه یادونه وکړه چې د کرنیز فصل له اټکل څخه کمزوري کېدو. د GDP وده شاوخوا ۳ سلنې ته راټیټه کړې او د لومړني اټکل شوي ۴.۲ سلنې پر ځای. د AKD سیکورټیز په ویناد مارچ په میاشت کښې د حوالو لوی مرسته کوونکي سعودي عربستان (۹۸۷ میلیونه ډالره) متحده عربي امارات (۸۴۲ میلیونه ډالره)، انګلستان (۶۸۴ میلیونه ډالره) او امریکا (۴۱۹ میلیونه ډالره) وو.
والي احمد د انفلیشن په اړه هم خبرې وکړې او ویې ویل چې د مارچ د مصرف کونکي قیمت شاخص (CPI) انفلیشن ۰.۷ سلنې ته ورسېدو. چې د بازار له اټکلونو او د مالیې وزارت له وړاندوینو څخه ډېر ټیټ دی. دا د پام وړ کمښت د غنمو، ځینو سبزیجاتو او بریښنا د ټیټو بیو له امله دی.
پاکستان د آئي ایم ایف سره د ۷ بیلین ډالرو ژغورنې تړون لاسلیک کولو وروسته اقتصادي شاخصونه په تدریجي ډول ښه شوي دي. انفلیشن یوې عدد ته راټیټ شوی او پالیسي نرخونه هم ورسره سم کم شوي دي.
