په ورستيو کښې د صدر ډونلډ ټرمپ په نوي تجارتي تړون کښې امریکا پر پاکستاني شیانو خپل ټیکس یا محصول ۲۹٪ نه ۱۹٪ ته راکم کړو. دا پریکړه د ټرمپ د یو لوی حکم برخه ده. چې په دې کښې پر هغه هیوادونو ۴۱٪ پورې ټیکس لګول شوی. کوم چې په تجارتي توګه د امریکا سره توازن نه لري او یا ورسره همکاري نه کوي.
د پاکستان پر شیانو ۱۹٪ ټیکس، د هند (۲۵٪)، بنګله دیش، ویتنام او سری لنکا (پر ټولو ۲۰٪) نه کم دی. تحلیل کونکي وايي چې دا به د پاکستاني شیانو، په ځانګړي توګه د ټوکر او لباس صادراتو کښې ډیره مرسته وکړي. د دې تړون لاندې، پاکستان به له امریکا څخه خام تیل هم راوارد کړي. چې دا به د دې هیواد د انرژۍ سرچینې ډیرې کړي.
د پاکستان حکومت دا یو لوی ستراتیژیک ګام بولي. خو د ټاپ لاین سیکیورټیز په څیر ځینې بروکرج شرکتونه وايي چې د دې تړون اثرات به دومره زیات نه وي. دوی وایي چې پاکستان باید د خپلې سیالۍ د ساتلو لپاره په تحقیق، د انرژۍ ساتل او د تجارت په پرمختګ کښې پانګونه وکړي.
پر چین، چې امریکا ته شیان ډیر صادروي. لا تر اوسه پورې وروستی ټیکس نه دی لګول شوی او دا به په راتلونکي کښې د پاکستان او نورو هیوادونو پر سیالیو اثر وکړي. د دې تړون نه مخکې، پاکستان ته ۲۹٪ ټیکس د لګولو خبره وه. چې دا د خبرو اترو لپاره په لنډمهاله توګه ځنډول شوې وه. په ۲۰۲۴ کال کښې د امریکا سره د پاکستان تجارتي اضافه تقریبا ۳ اربه ډالره وه. چې ډیری یې د ټوکر د صادراتو له امله وه.
