سوداګرو خبرداری ورکړی دی چي واګه-اټاري پولې تړل کېدو سره په هندوستان کښې د وچو مېوو بیې ۲۰% لوړېدلي شوي دي.
د هندي خپرونې اقتصادي ټایمز د یو راپور له مخې د پولې تړل کېدو راهیسې په هندوستان کښې د وچو مېوو بیې لا دمخه لوړې شوې دي.
راپور زیاتوي چي هندوستان نږدې ۹۰% وچ انځر او هینګ چې خوري یې، ۵۰% زعفران، وچې زردالو او مميز واردوي.
راپور د هند د مغز او وچو مېوو د شورا (NDFCI) چارواکو له قوله ویلي چې په راتلونکو هفتو کښې ښايي بیې نورې هم لوړې شي.
د راپور له مخې د افغاني مېوو په بیو کښې ښايي ۱۵-۲۰% زیاتوالی راشي. په عین حال کښې د ایران او نورو لارو له لارې بدیلو لارو نورې ستونزې هم رامنځته کړې دي.
هندوستان اعلان وکړ چې په پهلګام کښې د ۲۶ ترهګرو له وژل کېدو وروسته به د واګه-اټاري پوله وتړل شي. هندوستان پر پاکستان تور پورې کړ او د پاکستان ډیپلوماتیک حضور یې کم کړ. پاکستانیانو ته یې ویزې لغوه کړې او اعلان یې وکړ چې د سیند د اوبو تړون به وځنډوي.
په ځواب کښې پاکستان هم هندیانو ته ویزې لغوه کړې. په پاکستان کښې یې د هند ډیپلوماتیک حضور کم کړ او د هند الوتکو لپاره یې خپله فضايي حریم وتړلو.
