ولسمشر ډونالډ ټرمپ د چهار شنبې په ورځ د نوي سفر بندیز اعلان وکړ. چې ۱۲ هېوادونو اتباعو ته یې د متحده ایالاتو ته د ننوتلو اجازه محدوده کړه. دا اقدام د هغه له لومړۍ دورې د کډوالۍ جنجالي پالیسیو ته ورته دی.
دا بندیز چې د ۲۰۲۵ کال د جون په ۱۰ مه (د دوشنبې په ورځ) نافذ کیږي. ده هیوادونه افغانستان، میانمار، چاډ، د کانګو جمهوریت، استوایي ګیني، اریتریا، هایتي، ایران، لیبیا، سومالیا، سوډان او یمن په نښه کوي. یو جزوي بندیز چې ځینې لنډمهاله کاري ویزې ورکوي. د بورونډي، کیوبا، لاوس، سیرا لیون، توګو، ترکمنستان او وینزویلا لپاره پلي کیږي.
ټرمپ د کولوراډو کښې د یهودي لاریون پر مهال د اور وژنې برید ته اشاره وکړه. چې ویل کیږي یو مصري وګړي په متحده ایالاتو کښې په غیر قانوني توګه ترسره کړی و. د بندیز لپاره یې توجیه وړاندې کړه. هغه په یوه ویډیويي پیغام کښې وویل چې دا پیښه د کافي معاینه شویو بهرنیو اتباعو له امله رامینځته شوي خطرونه په ګوته کوي. دا بندیز به د ۲۰۲۶ کال د نړیوال جام او ۲۰۲۸ کال د لاس انجلس اولمپیک کښې پر لوبغاړو پلي نشي.
دا اعلان چې له مخکیني خبرتیا او د خبریالانو له شتون پرته وشو. د کولوراډو برید وروسته د خپرو شویو اوازو په تعقیب رامینځته شو. سپینې ماڼۍ د بندیز دفاع وکړه او ویې ویل چې موخه یې متحده ایالات له بهرنیو ترهګرو او ملي امنیتي ګواښونو څخه ساتل دي.
د هر هېواد د شاملولو لپاره ځانګړي دلیلونه په اعلامیه کښې ورکړل شوي وو. چې د پاسپورټونو د پروسس او معاینې لپاره د وړ چارواکو نشتوالي په اړه اندیښنو څخه نیولې. تر دې چې ځینې هېوادونه د ترهګري دولتي ملاتړي په توګه نومول شوي دي. د ویزې د ډیریدو کچه هم د څو هېوادونو لپاره یادونه شوې وه.
دې پریکړې دمخه نیوکې راپارولې دي. د ایران او امریکا د ملي شورا رییس، جمال عبدي، د بندیز له امله پر جلا شوو کورنیو اغیز روښانه کړی دی. وینزویلا خپل اتباعو ته د متحده ایالاتو ته د سفر په اړه خبرداری ورکړ. چې امنیتي اندیښنې یې یادونه کړې. د بندیز په وړاندې قانوني ننګونې تمه کیږي. په جلا توګه ټرمپ د هارورډ په پوهنتون کښې د بهرنیو زده کونکو لپاره د ویزې بندیز هم اعلان کړ.
