د بهرنیو چارو وزیر اسحاق ډار نن جمعه د هانګ کانګ د اجراییه رییس جان لي سره وکتل. هغه د هانګ کانګ اقتصادي پرمختګ وستایه او د دواړو هېوادونو ترمنځ یې د اړیکو د لا پیاوړتیا غوښتنه وکړه .د بهرنیو چارو وزارت لخوا خپره شوې بشپړه اعلامیه په لاندې ډول ده.
د لومړي وزیر مرستیال او د بهرنیو چارو وزیر سينيټر محمد اسحاق ډار نن د چین د خلکو جمهوریت د هانګ کانګ ځانګړې اداري سیمې له اجراییه رییس جان لي سره وکتل.
د لومړي وزیر مرستیال او د بهرنیو چارو وزیر د منځګړیتوب نړیوال سازمان (IOMed) په بریالي جوړولو جان لي ته مبارکي ورکړه. هغه د ختیځ او لویدیځ د نښلولو د یوې نړیوالې نقطې په توګه د هانګ کانګ پر ځانګړي رول او په نړیوال منځګړیتوب کښې د هغې پر مخ په زیاتیدونکي اهمیت ټینګار وکړ.
د پاکستان او هانګ کانګ ترمنځ د اوږدې مودې دوستۍ په یادولو سره د لومړي وزیر مرستیال او د بهرنیو چارو وزیر د یو هېواد دوه سیسټمونه چوکاټ لاندې د هانګ کانګ د اجراییه رییس او ځانګړې اداري سیمې حکومت د اقتصادي او ټولنیز پرمختګ ستاینه وکړه.
د لومړي وزیر مرستیال او د بهرنیو چارو وزیر او اجراییه رییس په بېلابېلو برخو کښې د هانګ کانګ سره د اقتصادي، پانګونې او سوداګرۍ همکاریو د لا ژورولو پر وړاندیزونو خبرې وکړې.
د لومړي وزیر مرستیال او د بهرنیو چارو وزیر د IOMed پیل د ولسمشر شي جین پینګ لید لخوا هڅول شوی یو مهم ګام وباله او یادونه یې وکړه چې دا د خبرو اترو پر بنسټ ډیپلوماسۍ او د ملګرو ملتونو د منشور له اصولو سره د پاکستان له ژمنې سره سمون لري.
د لومړي وزیر مرستیال او د بهرنیو چارو وزیر په هانګ کانګ کښې د پاکستانۍ ټولنې ستاینه هم وکړه چې دوه اړخیزې اړیکې یې پیاوړې کړي او د ښار په تنوع او اقتصاد کښې یې ونډه اخیستې ده.
اجراییه رییس د لومړي وزیر مرستیال او د بهرنیو چارو وزیر سفر ته تود هرکلی ووایه او د هانګ کانګ او پاکستان ترمنځ د همکاریو د لا پراختیا په اړه یې لیوالتیا څرګنده کړه.
د لومړي وزیر مرستیال او د بهرنیو چارو وزیر په هانګ کانګ کښې د منځګړیتوب نړیوال سازمان (IOMed) د جوړولو کنونشن د لاسلیک کولو رسمي مراسمو کښې د ګډون لپاره دی.
