د پاکستان فدرالي حکومت په ټول هیواد کښې د محرم الحرام په جریان کښې د امنیت په برخه کښې د مرستې لپاره د پاکستان اردو او ملکي وسله والو ځواکونو (CAFs) ځای پر ځای کولو تصویب کړی دی.

د کورنیو چارو وزارت لخوا د یوې خبرتیا له مخې چې د ټولو ولایتي حکومتونو او همدارنګه د ګلګت بلتستان، آزاد جمو او کشمیر او اسلام آباد پلازمینې سیمې د ادارو رسمي غوښتنو په ځواب کښې صادره شوې. سرتیري به د ۱۹۹۷ کال د ترهګرۍ ضد قانون د ۴ او ۵ برخو لاندې ځای پر ځای شي. د دې اقدام موخه د دیني مراسمو پرمهال د سولې او نظم په ساتلو کښې د ملکي چارواکو ملاتړ کول دي.

په خبرتیا کښې یادونه شوې چې د ځای پر ځای کیدو شمیر، وخت او ځایونه به د اړوندو سیمه ایزو ادارو لخوا د اړوندو شریکانو سره په مشوره او د ځمکني وضعیت پراساس وټاکل شي. د سرتیرو د بیرته غوښتلو مهال ویش به هم وروسته وټاکل شي.

د دې لارښوونې نقلونه د دفاعي چارواکو، رینجرز، فرنټیر کور، د پولیسو مشرانو، او تنظیمي ادارو په ګډون له کلیدي فدرالي او سیمه ایزو موسسو سره شریک شوي دي.

محرم د اسلامي کال لومړۍ میاشت ده. چې په ځانګړې توګه د شیعه مسلمانانو لخوا د کربلا په جګړه کښې د امام حسین (ع) د شهادت د یادګاري په توګه ماتم کیږي. عاشورا چې د محرم لسمه ده. د جولای په ۶ نیټه ده او لویې غونډې او جلوسونه به وي. چې د امنیتي تدابیرو د زیاتوالي لامل کیږي.

یوه ورځ وړاندې د کورنیو چارو وزیر محسن نقوي د محرم لپاره د ملي امنیتي پلان د نهایي کولو په موخه یوه غونډه جوړه کړه. په دې غونډه کښې په ټولو ولایتونو او سیمو کښې چمتووالی وڅیړل شو.

پریکړه وشوه چې د هغو کسانو پر وړاندې سخت اقدام وشي چې فرقه یي کرکه خپروي. په ځانګړې توګه د ټولنیزو رسنیو له لارې. حکومت به پاکستان ټیلی کمیونیکیشن اداره (PTA) او پاکستان بریښنایی میډیا تنظیمي ادارې (PEMRA) ته لارښوونې صادره کړي ترڅو آنلاین او په هوا کښې د نفرت وړ مینځپانګې مخه ونیسي.

د ګرځنده یا انټرنیټ خدماتو د بندولو په اړه هره پریکړه به د ولایتونو سره په مشوره او د امنیتي ارزونو پراساس وشي. وزیر نقوي ټینګار وکړ چې دا ډول پریکړې باید د حقیقي ځمکني واقعیتونو لخوا لارښوونه وشي.

چارواکو وویل عمومي موخه دا ده چې د ټولې میاشتې په اوږدو کښې په ځانګړې توګه د لومړیو لسو ورځو په اوږدو کښې کله چې دیني فعالیتونه اوج ته رسیږي نو یو سوله ایز چاپیریال یقیني شي.