لومړی وزیر محمد شهباز شریف نن له ایرانه خپل دوه ورځنی سفر پای ته ورساوه او اذربایجان ته روان شو. هغه ته د تهران په مهراباد هوایي ډګر کښې د ایران د کورنیو چارو وزیر اسکندر مومني، په پاکستان کښې د ایران سفیر رضا امیري مقدم، په ایران کښې د پاکستان سفیر مدثر طیب او نورو لوړ پوړو دیپلوماتانو ته الوداع وویل.
د خپل سفر په ترڅ کښې لومړي وزیر شریف د ایران له ستر مذهبي مشر ایت الله سید علي خامنه اي او ولسمشر ډاکټر مسعود پزشکیان سره وکتل. په خبرو اترو کښې د پاکستان او ایران ترمنځ د اړیکو په پیاوړتیا په ځانګړې توګه په سوداګرۍ او سیمه ایزو همکاریو تمرکز وشو.
په دې غونډو کښې پر سیمه ایزو مسلو هم خبرې وشوې او د هند او پاکستان ترمنځ په وروستي شخړه کښې د سولې د هڅو په برخه کښې د ایران د هڅو ستاینه وشوه. نورې خبرې د دواړو هیوادونو ترمنځ د ستراتیژیکو اړیکو پر پیاوړتیا او هم دارنګه په غزه کښې د اسراییلو د تیري د سمدستي بندولو او د دایمي اوربند پر رامنځته کولو متمرکزې وې.
ایران ته له خپل دوه اړخیز سفر وروسته به لومړی وزیر شریف د اذربایجان د ولسمشر په بلنه اذربایجان ته ولاړ شي. دا د هغه د څلور هیوادونو سفر دریمه برخه ده. چې له اذربایجان وروسته به تاجیکستان ته په سفر پای ته ورسیږي.
