د ډېره اسماعیل خان د درازنده په دانا سر سیمه کې یوه ډېره غمجنه ترافیکي پېښه شوې ده. په دې پېښه کې د یوې کورنۍ ۱۱ کسان مړه شوي دي. دا پېښه هغه وخت وشوه چې د مزدا ګاډي بریکونو کار پرېښودو.
ځایي خلک وایي چې په ګاډي کې ټول کسان د یوې کورنۍ وو او له بلوچستان د خانوزي سیمې نه ډېره اسماعیل خان ته روان وو.
ریسکیو ۱۱۲۲ ویلي چې په مړو شوو کسانو کې ښځې، ماشومان او یو سړی شامل دي. په دې پېښه کې ۳ کسان ژوبل شوي هم دي. چې ژر تر ژره روغتون ته وړل شوي دي.
د دې پېښې له امله په ټوله سیمه کې د غم فضا خپره شوې ده. پولیس او ریسکیو ټیمونه سیمې ته رسېدلي او د مرستې کارونه یې پیل کړي دي.
