فېډرل بورډ آف رېونیو (FBR) په بلوچستان کې د ګمرک مسؤلینو ته امر کړی چې د افغان توکو د غیرقانوني لېږد د مخنیوي لپاره د څارنې بهیر لا سخت کړي. د FBR د ګمرک وِنګ دغه مهمه سپارښتنه د “د افغان اصل توکو واردات” تر سرلیک لاندې په یو لېږل شوي مراسله کې د بلوچستان د کسټمز اپریزمنټ مشر کلکټر ته استول شوې ده.
په مراسله کې ټینګار شوی چې له افغانستان سره د مرکزي پولو د تړل کېدو له امله ممکن مجرمانه ډلې له غیرمجازو لارو او چورلارو څخه په ګټې اخیستنې سره افغان توکي پاکستان ته قاچاق کړي.
FBR ګمرکي چارواکي پابند کړي چې خپلې ټولې ادارې دې په دې برخه کې پوره هوښیارې کړي او د څارنې سیستم دې دومره قوي کړي چې د غیرقانوني لارو د هر ډول قاچاق هڅه شنډه شي. د چارواکو په وینا، د پولو د تړل کېدو په دوران کې د قاچاق د احتمالي فعالیتونو د بشپړ مخنیوي لپاره دا ګام اخېستل شوی دی.
