پاکستان حکومت پرېکړه کړې چې په رسمي ډول ولسمشر ډونلډ ټرمپ ته د ۲۰۲۶ کال د سولې نوبل جایزه ورکولو سپارښتنه وکړي. دا پرېکړه د هند او پاکستان ترمنځ په وروستي کړکېچ کښې د هغه د مهمې ډیپلوماټیکې مداخلې او مشرتابه په ویاړ شوې ده.
د وزیراعظم دفتر لخوا په یوه خپره شوې رسمي اعلامیه کښې ویل شوي چې نړیوالې ټولنې د هند ناڅاپي او غیرقانوني تیری ولید. دې برید د پاکستان پر حاکمیت او ځمکنۍ بشپړتیا ستره سرغړونه وه. چې له امله یې د ښځو، ماشومانو او سپین ږیرو په ګډون بې ګناه خلکو ته مرګ ژوبله واوښته. پاکستان خپل د ځان دفاع اساسي حق ته په کتو سره د عملیات بنیان مرصوص په نوم یو ځوابي برید وکړ. دا یو اندازه شوی قوي او دقیق پوځي ځواب و چې په احتیاط سره د مخنیوي او خپلې ځمکنۍ بشپړتیا د دفاع لپاره ترسره شو. په داسې حال کښې چې د ملکي خلکو زیان په کلکه مخنیوی وشو.
په اعلامیه کښې راغلي چي په سیمه ییزه کچه د کړکیچ په دې سخت وخت کښې ولسمشر ټرمپ د پراخې ستراتیژیکې لید او ښکلې دولتي وړتیا وښودله. هغه له اسلام آباد او نوي ډیلي دواړو سره په کلکه ډیپلوماټیکه اړیکه ونیوله. چې په چټکۍ سره خرابیدونکی وضعیت یې کم کړ. په پای کښې یې اوربند خوندي کړ او د دوو ایټمي هیوادونو ترمنځ یې پراخه جګړه راوتله. چې د سیمې او هاخوا د میلیونونو خلکو لپاره به یې ویجاړونکې پایلې درلودې. دا مداخله د یوه رښتیني سوله راوستونکي په توګه او د خبرو اترو له لارې د شخړو حل ته د هغه د ژمنې ثبوت دی.
د پاکستان حکومت هم د جمو او کشمیر د پخوانۍ شخړې د حل لپاره د ولسمشر ټرمپ رښتیني وړاندیزونه مني او ډیره ستاینه یې کوي. دا مسله د سیمې د بې ثباتۍ په زړه کښې ده. په جنوبي آسیا کښې تلپاتې سوله به تر هغه وخته ممکنه نه وي چې د جمو او کشمیر په اړه د ملګرو ملتونو امنیت شورا پریکړه لیکونه پلي نشي.
د ۲۰۲۵ کال د پاکستان او هند په کړکیچ کښې د ولسمشر ټرمپ مشرتابه په ښکاره توګه د هغه د عملي ډیپلوماسۍ او د مؤثره سولې جوړونې میراث ښیې. پاکستان هیله مند دی چې خپلې مخلصانه هڅې به د سیمه ایز او نړیوال ثبات په برخه کښې مرسته وکړي. په ځانګړې توګه په منځني ختیځ کښې د روانو کړکیچونو، د غزې د بشري ناورین او د ایران سره د خرابیدونکي وضعیت په اړه مرسته وکړي.
