د خیبر پښتونخوا په جنوبی وزیرستان کښی د افغان مهاجرو وطن ته د بیرته ستنیدلو عمل د ضلعی انتظامیې او سیکیورټی فورسز لخوا په امن او امان سره جاری دی. دا بیرته ستنیدل په مرحلو کښی مکمل کیږی.
د ڈپټی کمشنر مسرت زمان په قول په تیر ۲۰ ورځو کښی ۳۰۰۰ (درې زره) افغان مهاجر د انګور اډې د لارې افغانستان ته بیرته ستانه شول. په بیرته ستنیدونکو کښې نارینه، میرمنې او ماشومان شامل دی.
ضلعی انتظامیې د مهاجرو د آسانتیا لپاره په انګور اډه بارډر باندې هر څه انتظامات کړی دی. دلته یو سرپناه هم جوړه شوې ده چې پکښې د ۵۰ بسترو ځای شته. د دې نه علاوه په ایګری پارک وانا کښې هم د افغان کورنیو دپاره لنډمهاله خیمې لګول شوې دی.
په دغو لنډمهاله خیمو او سرپناه کښې مهاجرو ته اوبه، برقی او خوراک په شمول ټول ضروری او بنیادی اسانتیاوې ورکول کیږی.
ضلعی انتظامیې دا یقین ورکړی چې د بیرته ستنیدو دا لړۍ به په ښه او امن ماحول کښې جاری وی.
