د این ډي ایم ای ادارې (NDMA) خبرداری ورکړی چې د مونسون بارانونو له امله په هېواد کښې د وژل شویو کسانو شمېر ۵۴۰ ته رسېدلی او نورو بارانونو پیشنګويي هم شوي ده.

 د پښتونخوا او پنجاب صوبې د سېلابونو او ښاري سېلابونو له سخت خطر سره مخ دي. این ډي ایم اي وایي چې سږ کال د مونسون بارانونه له معمول څخه ۵۰ تر ۶۰ سلنه زیات دي او د ستمبر تر میاشتې به درې نورې سختې څپې هم راشي.

​​په پښتونخوا کښې د قدرتي آفتونو له امله ۳۷۳ کسان مړه شوي چې ډیر په بونیر ضلع کښې دي. ژغورنې او د لټون اپریشن شروع دي. په زرګونه کسان ژغورل شوي دي او ډېر نور لا هم لادرکه دي. تر ۳۰۰ زیات کورونه ویجاړ شوي دي. د پښتونخوا حکومت د سېلاب ځپلو ته په مکمله تاوان ورکولو ژمنه کړې او د مرستو لپاره یې بلینه روپۍ خوشې کړي.

​په ګلګت بلتستان (GB) کښې هم ۱۴ کسان مړه شوي او زیربنا ته یې سخت زیان رسېدلی. د ځمکې ښویېدنې له امله سړکونه بند شوي، چې سیلانیان پکې ایسار شوي دي. د برېښنا پرېکون له امله په ګلګت ښار کښې خلکو احتجاجونه کړي دي.

​

​ایم ډي ایم اي خلکو ته مشوره ورکړې چې په غرنیو سیمو کښې له غیر ضروري سفرونو څخه ډډه وکړي. حکومت بېړنۍ ډلې متحرک کړي دي.  مخابراتي اړیکې یې بیرته رغولې او د مرستې سامانونه ویشي. NDMA ویلي چې د دغه آفت لامل د موسمي بدلون دی. د سړکونو ملي اداره (NHA) د ویجاړو شویو لویو لارو په رغولو کار کوي او د اسلام آباد  (CDA) هم د سېلابونو لپاره تیارۍ نیسي. د حکومت د اقداماتو سره سره په ځینو سیمو کښې د مرستو ځنډ او د خدماتو نشتوالي له امله احتجاجونه شوي دي.