نن سبا چې د ایران او اسراییلو تر منځ شخړه زیاته شوې ده. نو د پاکستان د احتمالي ښکیلتیا په اړه په مستقیمه توګه ایران ته د ملاتړ له لارې ډېرې جعلي ادعاوې شوې دي.
یو لوی جعلي خبر چې د هندي رسنیو لکه NDTV لخوا خپور شوی دي. د ایران د سپاه پاسداران انقلاب (IRGC) جنرال او د ایران د ملي امنیت شورا غړي محسن رضایي ته منسوب شوی. چې ویلي یې دي پاکستان به ایټمي وسلې وکاروي که اسراییل یې د ایران پر وړاندې وکاروي. خو د جنرال لخوا داسې هیڅ بیان نه دی ورکړل شوی او ویډیو داسې ښکاري چې د AI لخوا تولید شوې ده.
ډېرو خبرونو دا ادعا هم کړې ده چې پاکستان ایران ته په اسراییلو باندې د برید لپاره سلګونه بیلسټیک توغندي ورکړي دي. خو امنیتي سرچینو په پاکستان کې څو رسنیو ته ویلي دي چې دا ډول ادعاوې هیڅ حقیقت نه لري. سرچینو د ایراني توغندیو د پاکستان په خاوره کې د ځای پر ځای کیدو ادعاوې هم رد کړې دي.
د امریکا د ولسمشر ډونالډ ټرمپ یوه AI لخوا تولید شوې ویډیو هم خپره شوې ده چې ښيي ولسمشر په ظاهره وايي چې پاکستان امریکا او اسراییلو ته خبرداری ورکړی دی. خو دا ویډیو په X کې د ټولنیزو یادښتونو لخوا رد شوې ده.
د دفاع وزیر خواجه آصف ته هم د اسراییلو پر وړاندې ایران ته د ملاتړ په اړه جعلي څرګندونې منسوب شوې دي. په داسې حال کې چې آصف په هر فورم کې له ایران سره د بشپړ پیوستون څرګندولو په اړه یوه وینا کړې وه. خو ویډیو له سیاق پرته وړاندې شوې ترڅو ادعا وکړي چې هغه پوځي ملاتړ وړاندې کړی دی.