مختلفو مذهبي فکرونو عالمانو د پنجشنبې په ورځ په بلوچستان کښې د وروستیو ترهګریزو بریدونو په شمول د جعفر ایکسپریس یرغمل کولو او د دارالعلوم حقانیه مدرسې په نښه کولو غندنه وکړه.

د لاهور په جامع منظور اسلامیه کښې په یوه خبري کانفرنس کښې عالمانو د جعفر ایکسپریس پیښه د ۹/۱۱ په څیر برید وبلل. د امنیتي ځواکونو د چټک او اغیزمن غبرګون ستاینه یې وکړه  چې په پایله کښې یې ټول یرغمل شوي خوندي خوشې شول او ترهګر له منځه یوړل شول.

عالمانو ټینګار وکړ چې د دولت ضد ځواکونه د پاکستان د بې ثباته کولو هڅه کوي مګر امنیتي ادارې او خلک به دا هڅې شنډې کړي. دوی د پاکستاني پوځ او امنیتي ځواکونو لپاره نه بدلیدونکی ملاتړ څرګند کړ.

په دې غونډه کښې ډیری مشهور مذهبي عالمان موجود وو. په شاملو کسانو کښی د پاکستان علماو شورا رئیس حافظ محمد طاهر محمود اشرفي، د جمعیت علماو پاکستان مشر محمد خان لغاري، مولانا پیر اسدالله فاروق، مولانا پیر خلیل ابراهیم، مولانا اسلم صدیقي، مولانا طاهر الحسن، حافظ مقبول، مولانا مبشر رحیمي، قاري حکیم اطهر، قاري فیصل امین، قاري ابراهیم حنفي، قاري ساجد او نور ډیر وو.

دوی ټینګار وکړ چې دا شخړه د بلوچ او غیر بلوچ ټولنو تر منځ نه بلکې د بهرنیو ځواکونو او مسلمانانو تر منځ ده چې په هیواد کښې د اختلاف رامینځته کولو هڅه کوي. دوی د بهرنیو چارو وزارت څخه وغوښتل چې د بلوچ ازادي غوښتونکي پوځ (BLA) د نړیوالې ترهګرې ډلې په توګه د پیژندلو لپاره ګامونه پورته کړي.

د پاکستان علماو شورا رئیس حافظ محمد طاهر محمود اشرفي وویل چې قران د یو کس وژل د ټول انسانیت وژلو په څیر غندي. هغه ټینګار وکړ چې هغه کسان چې د روژې په میاشت کښې یې خلک وژلي د انسان په نامه یادیدو وړ ندي.

هغه بیا تکرار کړه چې دا د بلوچستان د حقونو، بلوچ او غیر بلوچ، یا حتی د اسلام په اړه جګړه نه ده، بلکې د مسلمانانو او د هغوی د مخالفینو ترمنځ مبارزه ده. هغه د جعفر ایکسپریس پیښې څخه د یرغمل شویو د ژغورلو لپاره د پاکستاني پوځ مهارتونه وستایل او دا یې د ۹/۱۱ په څیر وبلله.

اشرفي په بلوچستان کښې د اورګاډي برید او په مدرسو بریدونه له هند سره وتړل او د بلوچستان پیښې ته د هند خوشحالۍ او د افغانستان څخه د فعالیت کوونکو ډلو لپاره د هغه د ادعا شوي ملاتړ یادونه یې وکړه. هغه د دارالعلوم حقانیه په نښه کولو پوښتنه وکړه او یادونه یې وکړه چې نه شوروي اتحاد او نه امریکا هیڅکله د دې برید کولو جرئت نه دی کړی.

هغه د مدرسې په وړاندې د تاوتریخوالي په اړه د غبرګون نشتوالي په اړه اندیښنه څرګنده کړه. سره له دې چې پاکستان په تیرو وختونو کښې د افغانستان ملاتړ کړی. هغه په پاکستان کښې د روان تاوتریخوالي په پام کښې نیولو سره په پاکستان کښې د سولې لپاره د افغانستان ژمنې تر پوښتنې لاندې راوستې.

اشرفي د پاکستاني دولت څخه د قوي غبرګون غوښتنه وکړه او ترهګري یې په کلکه وغندله او ویې ویل چې د پاکستان په امنیت کښې به هیڅ ډول جوړجاړی نه کیږي. هغه په ټولنیزو رسنیو او نورو پلیټ فارمونو کښې د کرښو څخه د تیریدو په اړه خبرداری ورکړ او ویې ویل چې د هغه چا په وړاندې به قانوني اقدام وشي چې دا کار کوي.

اشرفي د فلسطینيانو کړاو ته هم اشاره وکړه او یادونه یې وکړه چې د روژه ماتي لپاره هم خواړه نشته او د غزې د بیا رغونې لپاره یې د لومړي وزیر فنډ ته د سخاوتمندانه مرستو غوښتنه وکړه. هغه د کشمیریانو کړاو ته د زیاتې رسنیو پاملرنې غوښتنه وکړه او له هغوی یې وغوښتل چې د حقونو لپاره خپله مبارزه نوره هم پیاوړې کړي.  هغوی ته یې د پاکستان د نه بدلیدونکي ملاتړ ډاډ ورکړ.