د ۲۰۲۵ کال د مې په ۶مه او ۷مه د هندي پوځ د بدبختیو بریدونو په ځواب کښې چې ملکي وګړو ته پکې مرګ ژوبله اوښتې وه. د پاکستان وسله والو ځواکونو د ۲۰۲۵ کال د مې په ۱۰مه د بنیان المرصوص (د پولادو دیوال) په نوم عملیات پیل کړل. د دغو عملیاتو په اړه چې د معرکة الحق په نوم د یوې لویې پوځي جګړې برخه وه. د دوشنبې په ورځ د پوځ عامه اړیکو (ISPR) وویل چې دغه عملیات د هوا، ځمکې، سمندر او سایبري جګړې په څو برخو کښې په ګډه ترسره شول.
د آیس پي آر (ISPR) په وینا جنرال منیر په سي ایم ایچ راولپنډۍ کښې له ټپیانو سرتیرو څخه لیدنه وکړه او دا عملیات یې د هیواد په پوځي تاریخ کښې یو مهم باب وباله.
آیس پي آر (ISPR) دا هم وویل چې په لومړنیو جګړو کښې پنځه هندي جنګي الوتکې (درې رافایل، یوه سو-۳۰ او یوه میګ-۲۹) او یوه هیرون بې پایلټه الوتکه ویجاړې شوې. د راپورونو له مخې د پاکستان هوايي دفاعي سیسټمونو د هند هر ډول الوتکې د پاکستان فضا ته له ننوتلو څخه منع کړې.
د بنیانم مرصوص عملیاتو د هند تر غیر قانوني قبضې لاندې کشمیر او اصلي هند کښې ۲۶ پوځي اډې او ملاتړیزې ودانۍ په نښه کړې. په دې کښې په سورت ګړ، سرسه، بهوج او نورو ځایونو کښې هوایي اډې؛ د براهوس توغندیو د زېرمه کولو مرکزونه، د S-400 هوايي دفاعي سیسټمونه، پوځي قوماندانۍ او هغه ودانۍ شاملې وې چې ادعا کېده په پاکستان کښې یې د ترهګرۍ ملاتړ کاوه. په دغو عملیاتو کښې د فتاح لړۍ د دقیقو او اوږده وطن ویشتونکو توغندیو او نورو پرمختللو وسلو کارول هم شامل وو. پاکستاني بې پایلټه الوتکې د اوږده وطن وړتیاو ښودلو او د نوي دهلي په ګډون د هند پر لویو ښارونو د حضور ساتلو لپاره وکارول شوې. په ورته وخت کښې سایبري عملیاتو د هند مهم بنسټونه په نښه کړل.
پوځ ټینګار وکړ چې د عملیاتو له کچې سره سره د دوی ځواب متناسب و او یوازې هغه اهداف یې په نښه کړل چې د پاکستان پر ملکي وګړو په بریدونو کښې په مستقیم ډول ښکیل وو. په بیان کښې په خیبر پښتونخوا او بلوچستان کښې د هند په ملاتړ د ترهګرۍ زیاتوالی هم یادونه شوې. چې پاکستان دا کار د هند لخوا د خپلو ځواکونو د پام اړولو یوه قصدي هڅه بللې ده. د جګړې په اوږدو کښې په لویدیځ کښې د ترهګرۍ ضد عملیات روان وو.
د آیس پي آر (ISPR) په بیان کښې د پاکستان له خلکو سیاسي مشرتابه او د پوځ او ملکي برخو له مختلفو څانګو څخه د ملاتړ له امله مننه شوې وه. پوځ د عملیاتو په جریان کښې د کورنیو ټیکنالوژیو په پراختیا کښې د پاکستاني ساینس پوهانو او انجنیرانو ونډه هم ستاینې وکړه او د پاکستاني رسنیو یې د هندي ناسمو معلوماتو په وړاندې د مبارزې لپاره وستایه.
