په کابل کې نن سهار یوه ځانمرګي برید کې لږ تر لږه یو کس وژل شوی او درې نور ټپیان شوي دي.
لومړني راپورونه وايي چې برید د ښارجسازۍ او کور جوړولو وزارت په دفتر کې شوی دی.
د کورنیو چارو وزارت ویاند عبدالمتین قانع د برید پخلی کړی خو نور جزییات یې نه دي ورکړي.
د ښارجسازۍ او کور جوړولو وزارت ویاند محمد کمال افغان وروسته وویل چې ځانمرګی بریدګر مخکې له دې چې ودانۍ ته ننوځي او ځان والوزوي، د وزارت ساتونکو لخوا وژل شوی دی. خو د بریدګر وژل کیدو چاودنه رامنځته کړه.
افغان زیاته کړه چې دا پیښه له غرمې مخکې شوې او تایید یې کړه چې لږ تر لږه یو کس په برید کې مړ شوی او درې نور ټپیان شوي دي.
د افغانستان د وزارتونو په دفترونو باندې هم پخوا بریدونه شوي دي. د ۲۰۲۴ کال په دسمبر کې د کډوالو چارو وزیر خلیل حقاني په خپل دفتر کې په یوه ځانمرګي برید کې ووژل شو. برید هغه مهال وشو چې حقاني له خپل دفتر څخه ووت او شپږ نور یې هم ټپیان کړل.
د پنجشنبې برید یوه ورځ وروسته له هغې کیږي چې د کندوز ولایت په یوه کابل بانک څانګه کې په یوه برید کې ۲۱ کسان وژل شوي او ۳۳ نور ټپیان شوي وو. داعش ډلې د دغه برید مسوولیت په غاړه اخیستی دی.
