په احمد اباد کښې د سردار ولبای پټېل نړیوال هوايي ډګر کښې د ایر انډیا یوه الوتکه چې لندن ته روانه وه. د پنجشنبې په ماسپښین د الوتنې پر مهال یا سمدستي وروسته وغورځېده. چې له امله یې پراخه بیړنۍ مرستې پیل شوې. چارواکو ویلي چې الوتکه د عادي عملیاتو پر مهال له رن وې څخه وتلې ده. دقیق لامل په اړه څېړنې روانې دي.
ګڼ شمېر د اور وژنې او ژغورنې ټیمونه په شمول لږ تر لږه پنځه د اور وژنې موټرې پېښې ته رسیدلي او د اور کنټرول لپاره یې احتیاطي تدابیر نیولي دي. په الوتکه کښې شاوخوا ۲۴۲ مسافر وو. که څه هم د رسمي مرګ ژوبلې ارقام لا نه دي په ډاګه شوي. خو سیمه ییزو رسنیو راپور ورکړی چې ښايي څو مسافرو ته مرګ ژوبله اوښتې وي.
د هوايي ډګر شاوخوا عیني شاهدانو یو لوړ غږ اورېدلی او وروسته یې د پېښې له ځایه لوګی پورته کېدل لیدلی دی. لومړني نا تایید شوي راپورونه وايي چې ښايي الوتکه له یوې نږدې استوګنې سیمې سره ټکر شوې وي.
د هوايي ډګر چارواکو داخلي پلټنې پیل کړې دي او د الوتکې تکنیکي ارزونه روانه ده. د ملکي هوايي چلند عمومي ریاست (DGCA) ته خبر ورکړل شوی او دوی به یوه خپلواکه پلټنه ترسره کړي. ایر انډیا تر اوسه کومه رسمي اعلامیه نه ده خپره کړې. اندېښمنې کورنۍ د خپلو خپلوانو په اړه د معلوماتو لپاره په هوايي ډګر او سیمه ییزو روغتونونو کښې راټولې شوې دي.
