د پاک پوځ عامه اړيکو څانګې (ISPR) ویلي چې ډائرکټر جنرل، لیفټننټ جنرل احمد شریف چوہدری، د جمعې په ورځ په پېښور کې د کور هیډکوارټر کې یو مهم پریس کانفرنس وکړو. هغه د ترهګرۍ او د هیواد د امنیت په اړه ډېر مهم معلومات شریک کړل.
جنرل احمد شریف وویل چې په ۲۰۱۴ کې د آرمي پبلک سکول د دردناکې پیښې وروسته په خیبر پښتونخوا کې د ترهګرۍ ختمولو کار پیل شو. خو وروسته، د خاص پلان له لارې ترهګرو او د هغوی مرسته کوونکو ته ځای ورکړل شو. هغه وویل چې دا کار په قصدي توګه د حکومتدارۍ او خلکو د ښېګڼې د خرابولو لپاره شوی و.
جنرل چوہدری څرګنده کړه چې په دې وروستیو کلونو کې ترهګري زیاته شوې. خو پاک پوځ، استخباراتي ادارو او قانون نافذ کوونکو ډېره چټکه او کلکه غبرګون ښودلی. هغه وویل چې تر ۲۰۲۵ کال پورې په ۱۰۰۰ نه زیاتو عملیاتو کې ۹۱۷ ترهګر وژل شوي دي. په دې موده کې ۵۱۶ کسان شهیدان شوي چې ۳۱۱ د پاک پوځ سرتېري او ۱۳۲ عام خلک وو.
د پوځ ویاند د افغان کډوالو د ستنولو په اړه وویل چې پاکستان د ډېرو کلونو راهیسې د افغان ورونو کوربه توب کړی. خو اوس حکومت پرېکړه کړې چې دوی بېرته واستوي. هغه په دې ملي مسله باندې د سیاست کولو او ناسمه کیسه جوړولو په اړه خپګان څرګند کړو.
احمد شریف چوہدری هغو خلکو ته سخت اخطار ورکړو چې د فتنه الخوارج مرسته کوي. هغه وویل چې دغه عمل د سیاسي او مجرم عناصرو یو ګډ کار دی چې د ترهګرۍ ضد عملیاتو او د شهیدانو پر ضد جعلي کیسې جوړوي او د هغوی سپکاوی کوي.
ډي جي آی ایس پي آر د دغو مرسته کوونکو لپاره درې واضح لارې وټاکلې:
دغه ترهګر دې حکومت ته وسپاري.
د ترهګرۍ ضد عملیاتو کې دې د حکومت له ادارو سره مرسته وکړي.
که په دواړو لارو عمل ونه کړي، نو د حکومتي عملیاتو لپاره دې ځان تیار کړي.
جنرل چوہدری په روښانه وویل چې دا اوسنۍ وضعیت به نور کار ونکړي.
