پاکستان او چین خپلې سټراټیژیکي ملګرتیا زیاتولو ته خپله کلکه اراده بیا تکرار کړی ده. د چين او پاکستان (CPEC) دویم پړاو (CPEC ۲.۰) ته د پرمختګ اعلان وکړو. په دې کې د پنځو نویو اقتصادي دهلیزونو جوړول هم شامل دي. چې دوه اړخیزه همکاري به نوره هم زیاته کړې.

​دا اعلان د ۲۰۲۵ کال د ستمبر په څلورمه نېټه په بیجینګ کې د پاکستان د وزیراعظم شهباز شریف او د چین د وزیراعظم لي چیانګ ترمنځ له ملاقات وروسته وشو.

دواړو مشرانو د موجوده اړیکو په پرمختګ خوښي څرګنده کړه او د CPEC په راتلونکي پړاو کې یې د همکارۍ ژمنه وکړه. په دې لیدنه کې د ساینس او ټیکنالوژۍ، معلوماتي ټیکنالوژۍ، رسنیو او کرنې په برخو کې د تفاهم لیکونو (MoUs) لاسلیک هم وشو.

​ وزیراعظم شهباز شریف چې چین ته په شپږ ورځني رسمي سفر تللی وو.

د CPEC پر لویه ونډه یې ټینګار وکړو چې د چین د بیلټ او روډ نوښت (BRI) یوه مهمه منصوبه ده او په تیره لسیزه کې یې د پاکستان په ټولنیز اقتصادي پرمختګ کې مهم رول لوبولی دی. هغه د لومړنیو پروژو لکه د مین لاین-۱ (ML-۱) ریل پټلۍ عصري کول، د قراقرم لویې لارې (KKH) بیا تنظیم او د ګوادر بندر فعالولو په چټک پلي کولو ټینګار وکړو.

​شهباز شریف د پاکستان د ځمکنۍ بشپړتیا او ټولنیز اقتصادي پرمختګ لپاره د چین له پرله پسې ملاتړ څخه مننه وکړه. هغه دا هم اعلان وکړ چې پاکستان غواړي د چین په پلازمینې بازار کې د پانډا بانډونه جاري کړي.

دواړو مشرانو د خپلو هیوادونو ترمنځ د ټول موسم سټراټیژیکي همکارۍ پیاوړي کولو ته بیا ژمنه وکړه. غونډه د لومړي وزیر لي چیانګ لخوا د غرمې ډوډۍ سره پای ته ورسیده. په خبرو اترو کې د سوداګرۍ-سوداګرۍ (B2B) همکاریو او پانګونې زیاتوالي لپاره په بېلابېلو برخو هم خبرې وشوې. چې کرنه، کان کیندنه، نساجي، صنعت، او آی ټي یې لومړیتوب لرونکي سیکټرونه وبلل. په پای کې وزیراعظم شهباز شریف د چین د ولسمشر شي جین پینګ د نړیوالو نوښتونو په شمول د نړیوال حکومتدارۍ، پرمختګ، امنیت، او تمدن نوښتونو لپاره د پاکستان ملاتړ بیا تکرار کړو.