باور نه کیدونکی سند چې ګواکې په پاهلګام کښې د هند د څېړنو او شننو د څانګې (را) له خوا د یو درواغجن برید په اړه معلومات ورکوي. سرچینو څرګنده کړه چي د پنجشنبې په ورځ په ټیلیګرام پیغام رسولو اپلیکیشن خپور شو. دا سند چې رواني عملیات او د کیسې کنټرول نومیږي. ادعا کوي چې د یو برید لپاره د پاکستان په بدنامولو یو پلان دی. چې موخه یې هند ته د امریکا د مرستیال ولسمشر جې ډي وینس له سفر سره هممهاله کول دي.
ویل کیږي چې دغه افشا شوي سند د عامه افکارو او نړیوالو تصوراتو د لاسوهنې لپاره ځانګړي لارښوونې وړاندې کوي. په دې کښې په اننتناګ ولسوالۍ کښې چې د عملیاتو ټاکل شوې سیمه ده. د سیاحتي څارونکو په توګه د را د کارکوونکو د ځای پرځای کولو پلانونه په تفصیل سره بیان شوي دي.
ټاکل شوې وه چې له برید وروسته به د مصنوعي ځیرکتیا په کارولو سره د عیني شاهدانو جعلي بیانات او د مبهمو فوٹیجونو په کارولو سره لاسوهنه شوي لیدونه رامینځته شي. د ۲۰۰ څخه زیاتو ټولنیزو رسنیو حسابونو په کارولو او د یو مرکزي هشټاګ څخه په قصدي توګه ډډه کولو سره د ناسمو معلوماتو یو همغږی کمپاین هم پلان شوی و. ترڅو چي د کشف مخه ونیول شي.

دا سند نور دا هم څرګندوي چې د پاکستان د استخباراتو اداره (ISI) په برید ځای کښې د جعلي اسنادو په ایښودلو او په قصدي ډول د هغوی په افشا کولو سره د ښکیلتیا لپاره یوه ستراتیژي لري. د سند له مخې دا موخه د کشمیر له شخړې څخه د نړیوال تمرکز اړول یوې پراخې ادعا شوې اسلامي دسیسې ته وه.
د رسنیو لپاره پلان شوی روایت چې له پیښې ۳۶ ساعته وروسته خپرېده. دا وه چې دا پیښه د هند پر دولت او د هغه پر غیرمسلم وګړو برید وښودل شي. خو د پاکستان په تور لګولو دمخه وختي رسنیو راپورونو دا مهال ویش ګډوډ کړ او په عملیاتو کښې یې نیمګړتیاوې ښکاره کړې.

دا سند یو اضطراري پلان هم لري. چې کوډ نوم یې انډوپاکوم دی او په شوپیان کښې به هغه وخت فعال شي که چیرې د پهلګام عملیات ناکام شي. دا پلان د کنټرول په کرښه (ایل او سي) کښې د هندي پوځيانو د تګ راتګ محدودولو لپاره له لارښوونو سره یوځای تر ۱۰۲ کیلومټرو پورې وه.
موخه یې د پاکستان د هر ډول مهم پرمختګ مخنیوی و چې د ملګرو ملتونو یا چین مداخله یې راپارولی او په سیمه کښې د هند ادعاګانې یې کمزورې کړې وای.
د پهلګام په برید کښې چې ۲۶ سیلانیان پکې ووژل شول. د هند او پاکستان ترمنځ تاوتریخوالی زیات شوی دی. هند خپلو وسله والو ځواکونو ته د پاکستان پر ضد د اقدام لپاره بشپړ واک ورکړی. په داسې حال کښې چې پاکستان هم لوی پوځي تمرینونه ترسره کړي دي.