پاکستان له سخت موسم سره مخ دی. د پاکستان PMD د ګلیشري جهیلونو د ماتیدو سیلابونو (GLOFs) لپاره په شمالي سیمو کښې یو عاجل خبرداری خپور کړی او د ښاري سیلابونو د پراخېدو خبرداری یې ورکړی دی.

​د مونسون درنې بارانونه به دوام وکړي چې د هېواد پر پورتنیو برخو لکه پنجاب، اسلام آباد او راولپنډۍ به اغېزه وکړي.

​د PMD خبرداری چې د GLOF-II منصوبي د معلوماتو پر اساس دی. د تودوخې د پام وړ زیاتوالی ښیې. چې د ګلیشیرونو خویېدو ته یې چټکتیا ورکړې او په ارکاري، بدسوات، درکوت، هیسپر هوپر، ګندوس او ګلکین سیمو کښې یې د GLOFs او ناڅاپي سیلابونو امکان زیات کړی دی.

​په ګلګت بلتستان (GB) او خیبر پښتونخوا (KP) کښې له چارواکو غوښتل شوي چې وقایوي اقدامات وکړي.

​د PMD وړاندوینه کوي چې له بنګال خلیج او عرب سمندر څخه به د مونسون بادونه تر ګل (دوشنبې) پورې دوام وکړي. چې کشمیر GB، KP او د پنجاب ځینو برخو ته به باد، تالنده او درانه بارانونه راوړي. په کشمیر، پورتنۍ KP او شمال ختیځ او جنوبي پنجاب کښې د باران د جلا جلا سختو پېښو تمه کېږي.

​د هېواد نورې سیمې به ګرمې او وچې پاتې شي.

​درانه بارانونه په ډېرو ضلعو کښې د ناڅاپي سیلابونو د پام وړ خطر رامنځته کوي. لکه دیر، سوات، شانګله، بونیر، کوهستان، مانسهره، ایبټ آباد، نوشهره، صوابۍ، مري، ګلیات، او د اسلام آباد او راولپنډۍ شاوخوا سیمې.

​په لویو ښارونو لکه اسلام آباد، راولپنډۍ، ګوجرانواله، لاهور، سیالکوټ، نارووال، پېښور، نوشهره، او مردان کښې ټيټې سیمې هم د ښاري سیلابونو له خطر سره مخ دي.

​د ځمکې ښویېدل او د خټو سیلابونه هم تمه کېږي چې په KP، مري، ګلیات او کشمیر کښې په غرنیو سیمو کښې د سړکونو د بندېدو لامل کېدای شي. PMD ټولو اړوندو کسانو ته لارښوونه کوي چې هوښیار پاتې شي او ضروري احتیاطي تدابیر ونیسي.