د بهرنیو پاکستانیانو کنونشن چې مقصد یې د هیواد په اقتصاد کښې د دوی د مهمو ونډو مننه او د دوی اندیښنو ته په رسمي ډول رسیدګي ده او د دوشنبې په ورځ پیل شو.
دا درې ورځنۍ غونډه چې د اپریل ۱۳ څخه تر ۱۵ پورې دوام کوي. د ۶۰ څخه زیاتو هیوادونو څخه ۱۰۷۸ بهرني پاکستانیان پکې شامل دي. دا کنونشن د بهرنیو پاکستانیانو دولتي استازو او ملي بنسټونو لپاره د تعامل او همکارۍ یو پلیټ فارم دی.
په کنونشن کښې ګډون کونکو بهرنیو پاکستانیانو ته د دولتي میلمنو حیثیت ورکړل شوی دی او په هوایی ډګرونو کښې د دوی د راتګ لپاره ځانګړي ترتیبات شوي دي.
دولتي څانګو لکه نادرا، ایف ای اې، نیب، پاسپورټ دفتر، دولتي بانک او ایف بی آر، په یو ځای کښې د معلوماتو او خدماتو چمتو کولو لپاره مرستندویه ډیسکونه جوړ کړي. ترڅو د ډیاسپورا اړتیاوو ته رسیدګي وکړي.
د اسلام آباد په لوک ورثه کښې د لیدونکو بهرنیو پاکستانیانو لپاره د فولکلوري موسیقۍ سره یو کلتوري خواړو فستیوال جوړ شوی و. کنونشن د دوشنبې په ورځ په رسمي ډول پیل شو.
د بهرنیو پاکستانیانو وزیر چودري سالک حسین د دې حوالو اهمیت په ګوته کړ او ویې ویل چې دوی د سلګونو زرو پاکستانیانو ملاتړ کوي. هغه د حوالو وروستي زیاتوالی په پاکستاني حکومت باندې د بهرنیو پاکستانیانو باور ته منسوب کړ.
د بهرنیو پاکستانیانو حوالې د عوایدو یوه حیاتي سرچینه ده او هیواد سږکال د ۳۵ بیلین ډالرو څخه ډیرې حوالې تمه کوي . چې یوازې په فروري کښې یو ریکارډ ۱۰۳ بیلین ډالر پکې شامل دي.
