یو افغان چارواکي له پاکستان څخه کډوالو ته ویلي چې د پاکستان د حکومت له خوا ټاکل شوې نیټې پورې په عزت سره بیرته راستانه شي.

د جمعې په ورځ په ایکس (X) باندې خپره شوې اعلامیه کښې د افغانستان د اطلاعاتو او کلتور وزارت ویاند محمد صادق عاکف مهاجر وویل. چې د ډیپلوماتیکو سرچینو څخه ترلاسه شوي معلوماتو له مخې د ثبوت د ثبت (POR) کارډ لرونکي افغان کډوال به د افغان د اتباعو کارډ (ACC) لرونکو سره همداسې برخلیک سره مخ شي.

مهاجر وویل چي ټول افغانان باید خپل سامانونه په عزت سره راټول کړي او د ټاکل شوې نیټې پورې خپل ګران هیواد افغانستان ته بیرته راستانه شي. هغه زیاته کړه چې د پاکستان د حکومت د ټاکل شوې نیټې لپاره به هیڅ تمدید ونه شي.

پاکستان د ۲۰۲۳ کال په ستمبر کښې اعلان وکړ چې له هیواد څخه به د افغان کډوالو په ګډون ټول غیرقانوني بهرنيان وباسي. که څه هم غیر مستند کډوال په لومړي پړاو کښې وویستل شول. خو وروسته دا پروګرام د افغان اتباعو کارډ لرونکو ته هم وغځول شو.

حکومت د مارچ ۳۱مه نیټه د ACC کارډ لرونکو لپاره ټاکلې وه چې په خپله خوښه له هیواد څخه ووځي. مخکې له دې چې دوی وویستل شي. د ټاکل شوې نیټې له پای ته رسیدو سره سم په ټول هیواد کښې افغان کډوال په لویو ښارونو کښې د ساتلو مرکزونو ته لیږدول شوي دي. کډوال بیا د خپلې ضلعي د NADRA ټیم سره پولې ته لیږدول کیږي. چیرته چې دوی د اسنادو له بشپړیدو وروسته وویستل کیږي.

د جمعې تر سهار پورې یوازې له پنجاب څخه ۸۴۷۸ کډوال وویستل شوي دي. له نورو ولایتونو څخه هم زرګونه کسان وویستل شوي دي.

په ورته وخت کښې د POR کارډ لرونکو لپاره د جون ۳۰مه د هیواد څخه د وتلو لپاره ټاکل شوې ده. حکومت څو ځله اعلان کړی چې د ټاکل شوې نیټې لپاره به هیڅ تمدید ونه شي.

ډیری هغه افغان کډوال چې وویستل کیږي. ده هغوې نسلونه نسلونه په پاکستان کښې ژوند کوي. د UNHCR په ګډون نړیوالو ادارو له حکومت څخه غوښتي چې دا موضوع د بشردوستانه لید څخه وګوري. په خپل وار سره مرکزي حکومت ټینګار کوي چې د بیرته ستنیدو د عمل په ترڅ کښې به هیڅ کډوال ځورول یا ویرول نشي.