PTA دعوی کړی چی ترهګری په هیواد کښی د انټرنیټ د ورو رفتار اصلي لامل ګڼلی دی. PTA  د هیواد د مخابراتی زیر بناوو  حالت د انټرنیټ د ورو رفتار اصلی لامل ګنړلی دی.

دا د PTA له پخوانیو دریځونو څخه یو بدلون دی چې ویل یې د سب میرین کیبلونو ترمیم او حتی د (VPNs) پراخه کارول د انټرنیټ تیز والايي او ارتباط سره ستونزې رامینځته کوي.

د PTA د وروستیو دعوو له مخې، په ټول هیواد کې د مخابراتو ۴۲٪ سایټونه د بریښنا بیک اپ نلري، چې دا په دې مانا ده چې دوی د لوڈ شیډینګ په ساعتونو کې د پرله پسې بندیدو سره مخ دي.

برسیره پردې، مهم تجهیزات او همدارنګه د بریښنا بیک اپ جنراتورونه د هیواد له ۷۰۰ څخه ډیر ځایونو څخه غلا شوي، چې د دې مخابراتي سایټونو صلاحیت یې کم کړی دی.

خو شاید د راپور ترټولو حیرانوونکې برخه دا وه چې ویل یې په تیرو پنځو کلونو کې د ترهګریزو بریدونو له امله د ۱۴۷ مخابراتي سایټونو فعالیت اغیزمن شوی دی.

د مخابراتي زیربناوو سربیره، PTA د انټرنیټ د ستونزو لپاره ‘ناکافي فایبرایزیشن’ هم ملامت کړ.

د هغو ادعوو په ځواب کښې چې د هیواد نوی فایروال د انټرنیټ خدماتو د خرابیدو مسؤل دی، PTA ادعا وکړه چې په هیواد کې یوازینی ویب څارنې سیسټم ۱۸ کاله زوړ دی او یوازې د ‘خړ ترافیک’ د فلټر کولو لپاره استعمالیږي.  له همدې امله، PTA دعوی کوي، دا سیسټم د انټرنیټ هیڅ فعالیت یا مصرف کونکو پورې اړه نلري.

په وروستیو میاشتو کښې د پاکستان له ګوټ ګوټ څخه د انټرنیټ د سست رفتار راپورونه راپورته شوي دي. حکومت د دې ستونزو د لاملونو په اړه متضاد بیانونه خپاره کړي دي، چې پکې په پاکستان کې د انټرنیټ د څارنې او کنټرول لپاره یو نوی سیسټم او همدارنګه د VPNs استعمالول شامل دي.

انټرنیټ خدمات هم په هیواد کې په ډیری مواردو کښې محدود شوي دي لکه د محرم په اسلامي میاشت کې د عاشورا جلوسونه او حتی سیاسي احتجاجونه لکه د نومبر په میاشت کښې د پاکستان تحریک انصاف لخوا اسلام آباد ته لاریون.

په داسې وختونو کې، خپلواکو څارونکو لکه NetBlocks تایید کړه چې فیسبوک په څیر سوشل میډیا او د واټساپ په څیر پیغام رسولو غوښتنلیکونه په ټول هیواد کې ګډوډ شوي وو. د انټرنیټ بندیدل نه یوازې د عامو خلکو ورځنی ژوند او اړیکې اغیزمن کوي، بلکه د هغو سوداګریو لپاره یې لوی زیانونه اړولي چې د انټرنیټ څخه د فعالیت لپاره کار اخلي، لکه د موټر چلولو خدمات. هم په وغه وخت کښې، مشهور مایکرو بلاګینګ ویب پاڼه (پخوا ټویټر) لاهم په هیواد کې بند پاتې ده.