د برتانوي مجلې „دی اکانومسټ“ په ځانګړې راپور کې د پخواني وزیراعظم عمران خان د میرمنې بشره بی بي په اړه افشا کړې چې د بشره بی بي دریم واده نه یوازې د عمران خان شخصي ژوند اغېزمن کړ، بلکې د هغه د حکومتدارۍ په سبک یې هم پوښتنې راپورته کړې. د سینئر خبریال اوون بینیټ جونز په وینا، د عمران خان نږدې حلقې شکایت کاوه چې بشره بی بي هڅه کوله پر مهمو ټاکنو او ورځنیو دولتي پرېکړو باندې اغېز وکړي، چې په دې توګه د پرېکړو کولو بهیر ته د „روحاني مشورې“ رنګ ورکړل شو. دغه روحاني اغېزه د عمران خان د اصلاحاتي اجنډا د پلي کېدو ناکامۍ یوه وجه هم ګرځېدلې ده.

راپور کې ویل شوي چې ځینې څارونکي وایي د حساس ادارو ځینې کسان بشره بی بي ته داسې معلومات رسولو چې هغې یې د خپلې „روحاني بصیرت“ په نوم عمران خان ته وړاندې کول. دا جریان وروسته له دې رامنځته شو چې د بشره بی بي پټه واده وشو.

د پاکستاني رسنیو یوې کیسې ښيي چې پخواني استخباراتي مشر جنرال فیض حمید په ښکاره ډول بشره بی بي په نرمه خو اغېزمنه توګه کارولې ده. دغه معلومات د یوې افسر له لارې د بشره بی بي پیر ته رسول کېدل، او هغې یې وروسته عمران خان ته وړاندې کول. کله چې دا وړاندوینې سمې ثابتېدې، د عمران خان باور پر خپلې میرمن نور هم ټینګیده.

د راپور شریکې لیکوالې بشره تسکین د جیو نیوز سره په خبرو کې ویلي چې د راپور پر مهال ډیری معلومات حیرانوونکي وو، په ځانګړې توګه د بشره بی بي روحاني بصیرت او دا چې هغې څنګه عمران خان کنټرول کړ، چې د هیواد په اوسني حالت کې یې پایله لیدل کېږي. هغې زیاته کړه چې د عمران خان ناکامي اداري علتونه درلودل، نه د سټیبلشمنټ رول. د تور جادو او روحانیت په اړه یې د پخواني میړه خاور مانیکا یادونه وکړه، چې ویلي یې وو: «BUSHRA BIBI is an evil genius» (بشره بی بي یو شرارتمن نابغه ده).

بشره تسکین زیاته کړه، که بشره بی بي ریښتیني روحاني ځواک درلود، نو د عمران خان، پي ټي آی او د حکومت حالت به داسې نه و شوی. د هغې لپاره تر ټولو حیرانوونکې خبره دا وه چې د ۲۵ کروړه نفوس لرونکي جوهري هیواد مشر خپلې ورځنۍ چارې، ټاکنې او پرېکړې پر جادو، خرافاتو او روحاني پوهه ترسره کول.