په پاکستان کې امنیتي ځواکونو په سرحدي سیمو کې د ترهګرو خلاف خپل عملیات جاری ساتلي دي. په لکي مروت او کرم ضلعو کې په دوو بېلو عملیاتو کې لږ تر لږه ۱۱ ترهګر وژل شوي دي.
د ځایي سرچینو په وینا په لکي مروت کې امنیتي ځواکونو د شیري خېلو او شاوخوا سیمو کې یو بریالی عملیات ترسره کړی دی. په دغه عملیات کې د یوې ناقانونه ډلې ۹ ترهګر وژل شوي دي.
بل خوا د کرم ضلعي په مرکزي برخه کې هم امنیتي ځواکونو د ترهګرو خلاف عملیات کړی دی. د خیبر ولي نلې په سیمه کې امنیتي ځواکونو په یو وخت او زړور اقدام سره ۲ ترهګر وژلي او ۳ یې ټپیان کړي دي. د امنیتي چارواکو په وینا د وژل شویو ترهګرو له بکسونو څخه ترلاسه شوي لیکنې او نښې ښیي چې دا تش په نامه مجاهدین په اصل کې د دښمن جاسوسان دي. د امنیتي سرچینو په وینا د دوی پر بکسونو د هند نښې او لیکنې په ښکاره لیدل کېدې.
امنیتي چارواکو ویلي چې پاک پوځ ژمنه کړې چې دغه ډول ټول ترهګر به له دې پاکې خاورې څخه د تل لپاره له منځه یوسي. تمه ده چې د دغو عملیاتو په پایله کې به په سیمه کې امنیتي وضعیت ښه شي.
