​نن ورځ په پاکستان کې د ترهګریزو بریدونو یو نوی ډول لیدل کېږي. دا نوي بریدونه هغه مهال پیل شول چې د تحریک طالبان پاکستان (TTP) او بلوچستان لبریشن آرمي (BLA) یو له بل سره لاسونه یو کړل. د دې ډلو ترمنځ یو مهم بدلون دا دی چې دوی اوس په ټولنیزو رسنیو کې یو بل ته پوره ملاتړ ورکوي. کله چې TTP یو برید کوي نو BLA یې په خپلو ټولنیزو رسنیو کې ستایي او پر دې بر سېره  کله چې BLA یو برید کوي نو TTP د دې کار ویاړ په خپلو پاڼو کې په ډاګه کوي. دا یو ډول نوی اتحاد دی چې پخوا به نه و.

​دا اړیکه یوازې په ځایي کچه نه ده بلکې سیمه ایز سیاست هم پرې ژوره اغیزه لري. ویل کېږي چې دا دواړه ډلې د بهرنیو هېوادونو او د افغان طالبانو په وسیله لا پياوړې شوې دي. د پاکستان د چارواکو په وینا د بلوچستان لبریشن آرمي (BLA) او هند ترمنځ قوي اړیکه شته او هند ورسره په افغانستان کې د خپلو استازو له لارې د سپوږمکۍ تلیفونونو په وسیله اړیکه نیسي او ملاتړ یې کوي.

​په سیمه ییزه کچه په خاص توګه د بلوڅو ځوانانو ترمنځ غصه د حکومت د بې ثباته سیاستونو، ناوړه حکومتولۍ او سختو عملیاتو له امله ډېره شوې ده. زاړه غچونه لکه د حیات بلوڅ، بالاچ مولا بخش، او نواب اکبر خان بګټي وژنې د دوی ترمنځ کرکه زیاته کړې ده او د وسلوالو کړنو دوام ته لمن وهي.

​د دې دواړو ډلو ترمنځ د اتحاد په جوړېدو سره د پاکستان پر امنیتي ځواکونو بریدونه د پام وړ زیات شوي دي. د دې کال په پیل کې په ژوب او کچ ضلعو کې همغږي بریدونه وشول چې په پایله کې یې ډېری افسران ووژل شول او ځینې نور ټپیان شول.

​دا ضروری ده چې د پاکستان تصمیم نیوونکي په دې پوه شي او دې حالت ته جدي پام وکړي. د دې وضعیت د لا خرابېدو د مخنیوي لپاره یو پیاوړی او فعال غبرګون ډېر ضروری دی. د غبرګون د ملي امنیت خوندي پاتی کیدو د پاره ضروری دی.