په بنو ضلع کښې د شپې ناوخته په یوې وېرونکې پېښه کښې د سوئي ګیس د یوه کارمند له لوټلو او په بې رحمۍ سره له وژلو وروسته دوه تورن کسان په پېښه ځای کښې نیول شوي دي. دغه عملیات د بنو کینټ تاڼې ایس ایچ او دم ساز خان چې په رخصتۍ کور ته راغلی و. د خپل ورور په مرسته ترسره کړل. د بنو ریجنل پولیس افسر سجاد خان دوی ته د ستاینې په ترڅ کښې نغدي جایزې او ستاین لیکونو اعلان کړی دی.
د معلوماتو له مخې دا پېښه د میرا خیل تاڼې بنو په حدودو کښې د ایس ایچ او دم ساز خان کور ته نږدې شوې ده. د لکي مروت، نصر خیل سیمې سره تړاو لرونکی د سوئي ګیس د ادارې کارمند جسیم خان ولد نواب علي د پېښې پر مهال په ډزو وژل شوی او بیا یې په تېره چاړه ستونی پرې شوی دی.
د پېښې پر مهال دم ساز خان په خپل کور کښې و کله چې هغه د ډزو غږ واورید. سمدستي یې د حرارتي سکوپ په کارولو سره دوه کسان ولیدل چې د وژل شوي کس ستونی یې پرې کاوه. له څه ځنډ پرته ایس ایچ او دم ساز خان د خپل ورور په ملتیا د پېښې ځای ته ورسید او دواړه تورن یې په پېښه ځای کښې ونیول.
نیول شوي توکي او د تورنو پیژندنه
د تورنو کسانو له قبضې څخه یو ۳۰ بور پېسټل، په پېښه کښې کارول شوې چاړه، د وژل شوي کس موبایل فون او بټوه ترلاسه شوي دي. نیول شوي تورن د بنو اوسیدونکي حسن ولد غلام نواز او سعد لطیف ولد محمد لطید په نومونو پیژندل شوي دي. دوی د نورو قانوني اقداماتو لپاره سیمه ییزو پولیسو ته سپارل شوي دي.
د پولیسو لوړ پوړو چارواکو ستاینه
د بنو ریجنل پولیس افسر سجاد خان د بنو کینټ ایس ایچ او دم ساز خان ته د هغه د وظیفې پیژندنې، ژمنې او په رخصتۍ ورځ هم د لوټمارۍ او وژنې د تورنو کسانو په نیولو کښې د ځان خطر ته اچولو له امله ځانګړې شاباش ورکړې ده. هغه وویل چې دا ډول پولیس افسران او سرتېري د پولیسو ځواک قیمتي شتمني ده چې د وظیفې ترسره کول پر هر څه غوره بولي. آر پي او سجاد خان زیاته کړه چې د ترهګرۍ په ګډون د سړک پر سر د جرمونو د ختمولو لپاره بشپړې هڅې روانې دي او د دې ډول عناصرو له منځه وړلو وروسته به آرام جوړیږي.
