حکومت بلوچستان نے صوبائی دارالحکومت کوئٹہ میں ایک بار پھر موبائل انٹرنیٹ ڈیٹا سروس معطل کر دی ہے۔ محکمہ داخلہ بلوچستان کی جانب سے جاری کردہ بیان کے مطابق، شہر میں امن و امان کی موجودہ صورتحال کے پیش نظر یہ اقدام اٹھایا گیا ہے اور سروس کو 24 گھنٹے کے لیے بند کر دیا گیا ہے۔
محکمہ داخلہ کا کہنا ہے کہ موبائل فون ڈیٹا سروس جمعہ کی رات 12 بجے تک بند رہے گی۔ اس عارضی معطلی کے باعث زندگی کے مختلف شعبوں سے تعلق رکھنے والے شہریوں کو شدید مشکلات کا سامنا کرنا پڑے گا۔ خاص طور پر طلبا، کاروباری حضرات اور آن لائن خدمات پر انحصار کرنے والے صارفین بری طرح متاثر ہوں گے۔
