ایران کے وزیر خارجہ عباس عراقچی نے اسرائیل کے ساتھ جنگ بندی کے کسی بھی معاہدے کی تردید کی ہے جو کہ امریکی صدر ڈونلڈ ٹرمپ کے بیان کے براہ راست متصادم ہے۔

منگل کی صبح ایکس (سابقہ ٹویٹر) پر ایک پوسٹ میں عراقچی نے کہا کہ "جیسا کہ ایران نے بارہا واضح کیا ہے: اسرائیل نے ایران پر جنگ مسلط کی ہے نہ کہ اس کے برعکس، فی الحال کسی جنگ بندی یا فوجی کارروائیوں کے خاتمے پر کوئی ‘معاہدہ’ نہیں ہے۔”

عراقچی کا یہ بیان ٹرمپ کے دونوں ممالک کے درمیان "مکمل اور کل” جنگ بندی کے اعلان کے بعد آیا ہے۔ تاہم، عراقچی نے واضح کیا کہ ایران کی فوجی کارروائیاں تب ہی بند ہوں گی جب اسرائیل اپنی جارحیت تہران کے وقت کے مطابق صبح 4 بجے (0030 GMT) تک ختم کر دے گا۔

انہوں نے زور دیا کہ فوجی کارروائیوں کو روکنے کا حتمی فیصلہ بعد میں کیا جائے گا۔ عراقچی نے تصدیق کی کہ ایرانی فوجی کارروائیاں ڈیڈ لائن تک جاری رہیں اور انہوں نے ملک کے دفاع پر ایرانی مسلح افواج کا شکریہ ادا کیا ہے۔
یہ تردید ایران کی جانب سے پیر کو قطر میں امریکی فوج کے العدید ایئر بیس پر ایک بڑے میزائل حملے کے بعد سامنے آئی ہے جس سے کشیدگی مزید بڑھ گئی ہے۔

یاد رہے کہ یہ حملے اتوار کو ایران کے تین جوہری تنصیبات پر امریکی حملوں کے بعد ہوا جو 13 جون کو شروع ہونے والے امریکہ کی حمایت سے اسرائیلی فوجی حملے کی تازہ ترین شدت تھی۔