پیر کے روز جمیعت العلماء اسلام کے رہنما مولانا شیرزادہ کا کراچی میں نامعلوم افراد کی فائرنگ سے جاں بحق ہو گئے ہیں۔

مقتول رہنما مولانا شیرزادہ جمیعت العلماء اسلام (ف) کے یونین کونسل 4 مومن آباد ٹاؤن کراچی ویسٹ کے نائب امیر تھے۔ 

اطلاعات کے مطابق شیرزادہ فجر کی نماز پڑھانے مسجد جا رہے تھے جب وہ قتل کر دیے گئے۔ اطلاعات کے مطابق گولی مارنے والوں نے مارنے سے پہلے ان کا تعاقب کیا۔ تاہم ان کی ذاتی اشیاء بشمول رقم اور موبائل فون لاش کے پاس موجود تھے۔ 

شیرزادہ ایک عالم دین تھے اور جامعہ بنوریہ سے فارغ التحصیل تھے۔ 

یہ مارچ 2025 میں پاکستان بھر میں جمیعت العلماء اسلام کے کارکنوں کو نشانہ بنانے والا چوتھا حملہ ہے۔ اس ماہ کی 8 تاریخ کو مولانا شاہ میر عزیز بزدار کو تراویح کی نماز کے دوران تربت میں قتل کیا گیا تھا۔ 14 مارچ کو مولانا عبداللہ ندیم پر جنوبی وزیرستان میں جمعہ کی نماز کے دوران حملہ ہوا جس میں وہ شدید زخمی ہو گئے تھے جبکہ 22 مارچ کو قاری نظام الدین کو اٹک میں گولی مار کر ہلاک کیا گیا تھا۔