پیر کے روز مقامی اور بین الاقوامی دونوں بازاروں میں سونے کی قیمتیں تمام ریکارڈ توڑتے ہوئے نئی بلندیاں پر پہنچ گئیں۔

پاکستان میں فی تولہ سونے کی قیمت میں اب تک کا سب سے بڑا یک روزہ اضافہ دیکھا گیا جو 8,100 روپے ہے۔

آل پاکستان جیمز اینڈ جیولرز صرافہ ایسوسی ایشن کے مطابق اس اضافے سے سونے کی قیمت 357,800 روپے تک پہنچ گئی۔

10 گرام سونے کی قیمت میں بھی اسی طرح کا رجحان دیکھنے میں آیا جو 6,944 روپے بڑھ کر 306,755 روپے تک پہنچ گئی۔

بین الاقوامی مارکیٹ میں سونے کی قیمتیں 69 ڈالر بڑھ کر 3,395 ڈالر فی اونس کی ریکارڈ بلند ترین سطح پر پہنچ گئیں۔

ماہرین کا کہنا ہے کہ سونے کی قیمت میں اضافہ عالمی تجارتی کشیدگی کی وجہ سے ہو رہا ہے۔

دوسری طرف پاکستان اسٹاک ایکسچینج میں خریداری کی ایک لہر کے باعث 100 انڈیکس 1,300 پوائنٹس اضافے کے ساتھ 118,627.19 پوائنٹس تک پہنچ گیا۔