کاؤنٹر ٹیررازم ڈپارٹمنٹ (CTD) بنوں اور لکی پولیس نے ایک مشترکہ کارروائی میں کالعدم تنظیم کے دو انتہائی خطرناک دہ ش ت گردوں کو ہلاک کر دیا ہے۔ یہ  کارروائی نالی چک کے قریب کی گئی اور اسے خفیہ اطلاعات کی بنیاد پر انجام دیا گیا۔

پولیس ترجمان کے مطابق، مارے جانے والے دہ ش ت گردوں میں محمد سہیل المعروف احمد اور عظمت اللہ المعروف حافظ شامل ہیں۔

ترجمان نے بتایا کہ یہ دہ ش ت گرد ڈی ایس پی گل محمد اور پاک آرمی کے لیفٹیننٹ عارف سمیت پولیس اور سیکورٹی فورسز کے درجنوں جوانوں کی شہادت میں ملوث تھے۔

پولیس نے مزید بتایا کہ کارروائی کے بعد دہ ش ت گردوں کے قبضے سے ایک کلاشنکوف، ایک 9 ایم ایم پستول، ایک موبائل فون اور کالعدم تنظیم کے دو کارڈز برآمد کیے گئے۔

پولیس ترجمان نے اس آپریشن کو خطے میں امن و امان کی بحالی کے لیے ایک بڑی کامیابی قرار دیا ہے۔