پاک فوج کے شعبہ تعلقاتِ عامہ (آئی ایس پی آر) کے مطابق 16 اور 17 نومبر 2025 کو خیبر پختونخوا صوبے میں دو علیحدہ کارروائیوں کے دوران انڈین پراکسی فتنہ الخوارج سے تعلق رکھنے والے تئیس (23) خوارج مارے گئے۔

ضلع باجوڑ میں بڑی کارروائی

پاک فوج کے مطابق خوارج کی موجودگی کی اطلاع پر سیکیورٹی فورسز نے ضلع باجوڑ میں ایک انٹیلی جنس بیسڈ آپریشن (IBO) کیا۔ آپریشن کے دوران پاک فوج کے جوانوں نے خوارج کے ٹھکانے کو مؤثر طریقے سے نشانہ بنایا جس کے نتیجے میں خوارج کے سرغنہ سجاد ابوذر سمیت گیارہ (11) خوارج ہلاک ہوئے ہیں۔

بنوں ضلع میں مزید کارروائی

آئی ایس پی آر کے مطابق ایک اور انٹیلی جنس بیسڈ آپریشن ضلع بنوں میں کیا گیا جہاں اپنے جوانوں نے کامیابی سے مزید بارہ 12 خوارج کو جہنم رسید کیا۔

عزم استحکام کے تحت آپریشن جاری

آئی ایس پی آر کے مطابق علاقے میں موجود کسی بھی دیگر انڈین سپانسرڈ خارجی کو ختم کرنے کے لیے سینیٹائزیشن آپریشنز جاری ہیں۔ وفاقی ایپکس کمیٹی برائے نیشنل ایکشن پلان سے منظور شدہ وژن "عزم استحکام” کے تحت، سکیورٹی فورسز اور قانون نافذ کرنے والے اداروں کی انتھک انسدادِ دہشت گردی کی مہم پوری رفتار سے جاری رہے گی تاکہ ملک سے غیر ملکی سرپرستی اور حمایت یافتہ دہشت گردی کے ناسور کو مکمل طور پر ختم کیا جا سکے۔