سیکیورٹی فورسز نے خیبر پختونخواہ کے ضلع ڈیرہ اسماعیل خان میں ایک خفیہ اطلاعات پر مبنی کارروائی کی ہے جس میں  چار دہشت گرد ہلاک ہوئے ہیں۔ تاہم، اس کارروائی دوران سیکیورٹی فورسز کا ایک اہلکار بھی شہید ہو گیا ہے۔

پاک فوج کے شعبہ تعلقات عامہ (آئی ایس پی آر) کے ایک بیان کے مطابق یہ کارروائی ڈی آئی خان کے علاقہ ماڈی میں دہشت گردوں کی موجودگی کی اطلاع پر کی گئی۔

آئی ایس پی آر کے مطابق سیکورٹی فورسز نے کامیابی سے دہشت گردوں کو نشانہ بنایا، جس کے نتیجے میں چار دہشت گرد مارے گئے۔

تاہم اس کارروائی کے دوران سپاہی باسط صدیق شہید ہو گئے۔ سپاہی صدیق کی عمر 23 سال تھی اور وہ اٹک کے رہائشی تھے۔ آئی ایس پی آر نے کہا کہ سپاہی نے جام شہادت نوش کر کے عظیم قربانی پیش کی۔

اس کارروائی میں دہشت گردوں کے قبضے سے بھاری مقدار میں اسلحہ بھی برآمد ہوا ہے۔ آئی ایس پی آر نے مزید کہا کہ دہشت گرد علاقے میں متعدد دہشت گردانہ سرگرمیوں میں ملوث تھے۔ علاقے میں دہشت گردوں کی تلاش کے لیے ایک سرچ آپریشن بھی کیا گیا۔

یاد رہے کہ مارچ 2015 کے بعد دہشت گردی کے لحاظ سے سب سے خونریز مہینہ تھا۔ ایک حالیہ رپورٹ کے مطابق ملک بھر میں کل 105 عسکریت پسندانہ حملے رپورٹ ہوئے جبکہ ان کے خلاف کارروائیاں بھی تیز کر دی گئیں۔ مارچ میں کل 171 دہشت گرد مارے گئے جبکہ 86 سیکورٹی اہلکار اور 78 عام شہری اپنی جانوں سے ہاتھ دھو بیٹھے ہیں۔