د امريکا یو لوړپوړی پلاوی چې مشري يې د بهرنيو چارو وزارت د جنوبي او مرکزي ایشيا د چارو مشر اېريک مېير کوله. د چهارشنبې په ورځ په جنرل هيډکوارټرز کښې د پاکستان د پوځ مشر جنرل سيد عاصم منير سره وکتل.
د پوځ د عامه اړيکو څانګې (ISPR) په وينا دا ليدنه د پاکستان د کانونو د پانګونې د لومړۍ غونډې وروسته وشوه او د دوه اړخيزو اړيکو پياوړتيا او د اقتصادي همکارۍ په لارو چارو تمرکز يې وکړ.
د امريکا پلاوي د پاکستان د هغو ستراتيژۍ په اړه قوي باور څرګند کړ چې د ګټورو شراکتونو له لارې د خپلو نه کارول شويو کانونو څخه ګټه پورته کوي.
مېير د امريکا د حکومت له خوا په دې سیکټر کښې همکارۍ ته لومړيتوب ورکولو ته اشاره وکړه او دا يې د ګډې ګټې مهمه برخه وبلله. هغه د پاکستان د پانګونې د ښه کېدو په اړه هم خبرې وکړې.
ISPR زياته کړه چې دې ليدنې دواړو خواوو ته د نړيوالو پرمختګونو او د پاکستان د سيمه ييز امنيت اړتياوو په اړه د نظرياتو د شريکولو فرصت ورکړ. په دې ليدنه کښې د اوسنيو اړيکو تر څنګ د سوداګرۍ ترمنځ پر اړيکو هم خبرې وشوی.
مېير د چهارشنبې په ورځ له وزيراعظم شهباز شريف سره هم ليدنه وکړه.
