د راپورونو له مخې پاکستان راتلونکې اوونۍ امریکا ته یو لوړ پوړی پلاوی لېږي تر څو د تجارتي تړون په اړه خبرې وکړي. دا پلاوی به هڅه وکړي چې د امریکا لخوا د پاکستاني صادراتو په اړه ۲۹٪ احتمالي تعرفه (ټېکس) له منځه یوسي. دا تعرفه د ۳ بیلینه ډالرو تجارتي اضافي توازن له امله لګول شوې وه. امریکا دا تعرفې په موقت ډول د ۹۰ ورځو لپاره وځنډولې تر څو خبرو ته زمینه برابره شي.
د پاکستان په پلاوي کښې به مشهور سوداګر او صادرونکي هم شامل وي. چې تمرکز به یې په دوه اړخیزه سوداګریزو اړیکو په پیاوړتیا وي. دا پرېکړه د اپریل په میاشت کښې په اسلام اباد کښې له یوې غونډې وروسته وشوه. چې پکې لومړي وزیر شهباز شریف د ملي صادراتو پر زیاتولو ټینګار وکړ.
پاکستان لا دمخه له امریکا سره رسمي خبرې پیل کړې دي. د مالیې وزیر محمد اورنګزیب او د امریکا د سوداګرۍ استازي جیمیسن ګرییر د مې په ۳۰مه ټیلیفوني خبرې وکړې او د متقابلو تعرفو په اړه یې بحث وکړ. پاکستان له وړاندې د یو شمېر توکو په اړه د صفر تعرفې دوه اړخیزه سوداګریز تړون وړاندیز کړی تر څو په بېلابېلو سیکټررونو کښې تجارت پراخ شي.
پاکستان پلان لري چې په خپل کان کیندنې سیکټر په ځانګړي توګه په بلوچستان کښې امریکایي شرکتونو ته امتیازات ورکړي. چې په دې کښې د ځمکې اجارې او له سیمه ییزو شرکتونو سره ګډې پانګونې شاملې دي. دا ستراتیژي د امریکا څخه د وارداتو زیاتول هم په بر کې نیسي. چې د پنبې او خوراکي غوړیو اوسني کمښت ته به رسیدګي وشي.
ولسمشر ټرمپ ویلي چې که پاکستان او هند جنګ وکړي. نو دی به په هېڅ ډول په دې معامله کښې لېوالتیا ونه لري. دا څرګندونې د دواړو ایټمي ګاونډیو هېوادونو ترمنځ د امریکا په منځګړیتوب وروسته له یوې اوربند وروسته وشوې. ویل کیږي چې امریکا له دواړو هېوادونو سره پر لویو معاملو کار کوي.
