د پاکستان لوړ پوړو پوځي مشرانو تېره جمعه هند ته سخت خبرداری ورکړی او تور یې لګولی چې د تېري او د دولت په ملاتړ د ترهګرۍ له لارې تاوتریخوالی زیاتوي. نن په جنرل هیډکوارټرز (GHQ) کښې د کور کمانډرانو یوې ځانګړې غونډې وروسته د پوځ مشر جنرل سید عاصم منیر یو ځل بیا د پاکستان پر خپلې خپلواکۍ او ځمکنۍ بشپړتیا د هر ډول ګواښ په وړاندې د دفاع کولو ژمنه وکړه.

د انټر سروسز پبلک ریلیشنز (ISPR) په وینا په دې غونډه کښې چې د سیمې اوسنی جیو-سټراټیژیک وضعیت یې وڅېړه. د پاکستان او هند تر منځ پر مخ په زیاتېدونکي تاوتریخوالي، په ځانګړې توګه په هندي غیرقانوني توګه نیول شوي جمو او کشمیر (IIOJK) کښې د وروستۍ پاهلګام پېښې وروسته، ډېره توجه شوې وه. پوځ په IIOJK او د کنټرول په کرښه (LoC) کښې د هندي ځواکونو له خوا د بې ګناه ملکي وګړو په نښه کولو سره د ظلمونو په زیاتېدونکي شمېر ژوره اندېښنه څرګنده کړه. د پوځ مشر ټینګار وکړ چې دا ډول کړنې به په کلک او متناسب ځواب سره مخ شي.

آئي اېس پې آر زیاته کړه چي په داسې حال کښې چې پاکستان سولې، ثبات او سوکالۍ ته خپله تلپاتې ژمنه بیا تاییدوي. فورم دا واضحه کړه چې د جګړې د تپل هر ډول هڅې ته به په یقیني او پرېکنده توګه ځواب ورکړل شي او د پاکستان د خلکو هیلو ته به په هر قیمت درناوی وشي.

په غونډه کښې هغه څه ته اشاره وشوه چې د دوی په وینا د سیاسي او پوځي اهدافو ترلاسه کولو لپاره د هند له خوا د بحرانونو څخه د ناوړه ګټې اخیستنې یو ثابت نمونه ده. پوځ د ۲۰۱۹ کال د پلوامې پېښې ته اشاره وکړه. چیرته چې هند له دې برید څخه د ۳۷۰ مادې د لغوه کولو او په IIOJK کښې د وضعیت بدلولو لپاره د جواز په توګه کار واخیست. آئي اېس پې آر زیاته کړه په هم دې ډول پوځ باور لري چې د پاهلګام پېښه یو قصدي هڅه ده چې د پاکستان پام د لوېدیځې پولې په اوږدو کښې د خپلو لاسته راوړنو او د اقتصادي بیا رغونې لپاره د روانو هڅو څخه بلې خوا ته واړوي.

پوځ د سند د اوبو تړون د کمزوري کولو لپاره د هند په مبینه هڅو هم جدي اندېښنه څرګنده کړه او تور یې ولګاوه چې هند د پاکستان د اوبو پر سرچینو د کنټرول هڅه کوي. دا یو داسې اقدام دی چې د میلیونونو پاکستانیانو د ژوند د وسیلو لپاره ګواښ دی.

سربیره پردې په غونډه کښې په پاکستان کښې د ترهګریزو فعالیتونو په تنظیمولو کښې د هند د پوځ او استخباراتو د مستقیمې ښکیلتیا په اړه باوري شواهد وړاندې شول او دا کړنې یې د نړیوالو اصولو ښکاره سرغړونه وبلله.

په داسې حال کښې چې پاکستان سولې ته خپله ژمنه بیا تاییدوي. د پوځ مشر دا واضحه کړه چې د هر ډول تېري ځواب به پرېکنده وي.

آئي اېس پې آر وویل پوځ په خپل عملیاتي چمتووالي او د هیواد د ټولو ګواښونو په وړاندې د دفاع کولو په وړتیا بشپړ باور څرګند کړ، .