د منځني ختیځ رسنیو څېړنیز انسټیټیوټ (MEMRI) لخوا د بلوچستان سټډیز پراجیکټ (BSP) پیل د دې د رښتینو موخو په اړه اندېښنې راپورته کړي دي. دا یوه اکیډمیکه پروژه بلل شوې ده چې د بلوچستان پر بډایه طبیعي سرچینو تمرکز کوي. خو د دې پروژې پیل او چوکاټ د یوې ژورې، لا زیاتې بدې اجنډا په اړه شکونه پیدا کوي چې د اسراییلو له جیوپولیټیک ستراتیژۍ سره تړاو لري.

میمري چې په واشنګټن ډي سي کښې میشت یو څېړنیز مرکز دی او د اسراییلو پلوه تعصب او د اسراییلو له استخباراتو سره د اړیکو پوره اسناد لري (د دې بنسټ ایښودونکی ډګروال ییګال کارمون د اسراییلو په استخباراتو کې دنده ترسره کړې ده)، BSP د سیمه کې د ایران د نفوذ د مخنیوي لپاره مهم بولي. دا کیسه په اسانۍ سره د بلوچستان د سرچینو د لوېدیځوالو لخوا د پخوانیو استفادو او په صوبه کښې د روانو بغاوتونو تاریخي شرایطو ته پام نه کوي.

د پروژې مشرتابه نور هم شکونه زیاتوي. د میر یار بلوچ په نوم د یوه نسبتاً نا معلوم شخص ټاکنه چې د بلوچ احساساتو د استازیتوب ادعاوې یې د مشهورو بلوچ فعالانو لخوا تر پوښتنې لاندې راغلې دي. د ځانګړي سلاکار په توګه د دې پروژې د صداقت په اړه پوښتنې راپورته کوي. ډیری په دې باور دي چې میر یار بلوچ یو جوړ شوی شخصیت دی چې پروژې ته ئي جواز ورکړي او د اسراییلو ګټې پرمخ بوځي. د هغه قوي هند پلوه او اسراییل پلوه دریځونه، د هندي رسنیو له لارې د هغه له نږدې انحصاري ترویج سره، د بلوچ مبارزې څخه د بهرنیو جیوپولیټیک ګټو لپاره د ګټې اخیستنې همغږي شوې هڅې ته اشاره کوي.

یو تحلیل کوونکی استدلال کوي چې د بلوچستان سټډي پراجيکټ (BSP) لخوا بلوچستان ته د لویدیځ طبیعي متحد په سترګه کتل د سیمې د سرچینو تاریخي او روانه لوټونه له پامه غورځوي چې لویدیځ شرکتونه یې کوي. دا انتخابي بیانیه په اسانۍ سره د ایران د کنټرول او د سیمه ایز ثبات د کمزورۍ لپاره د اسراییلو له ستراتیژیکو اهدافو سره سمون لري. د دې پروژې ښکاره هدف د بلوڅو ملي مبارزه پخپلو ګټو کښې راګیرول دي. ترڅو دا د اسراییلو له ګټو سره سمون ولري او په دې توګه د بلوڅو او په سیمه کښې د نورو مظلومو ډلو لکه فلسطینیانو او کشمیریانو ترمنځ ریښتیني پیوستون زیانمن کړي.

د MEMRI او میر یار بلوڅ په څیر شخصیتونو ترمنځ همکاري د دې احتمال په ګوته کوي چې بهرني لوبغاړي کولی شي خپلې جیوپولیټیکي اجنډاوې پلي کولو لپاره داخلي شخړو څخه ګټه واخلي. د BSP پیل یو خبرداری دی چې ملي آزادۍ خوځښتونه د هغو کسانو لخوا تښتول کیدی شي چې پټ اهداف لري. چې په احتمالي توګه د ځان بسیاینې او عدالت په لور ریښتینې هڅې له منځه وړي. د شفافیت نشتوالی او د کلیدي شخصیتونو مشکوک اعتبار د BSP پر ادعا شوو اکاډمیکو اهدافو باندې د شک لوی سیوری غوړوي. پرځای یې دا داسې ښکاري چې په ستراتیژیک ډول مهمې سیمې کښې د اسراییلو نفوذ لپاره په احتیاط سره جوړ شوی وسیله وي.

اعلامیه: په دې لیکنه کښې څرګند شوي نظرونه یوازې د لیکوال خپل دي او د خبر کده تګلاره نه څرګندوي.