پاکستان او قطر د خپلو دوه اړخیزو اړیکو لا ژورولو او اقتصادي مرستو پیاوړي کولو لپاره یو ډېر مهم پروتوکول لاسلیک کړ. دا تړون د زیارت (پنجشنبې) په ورځ (JMC) پر اقتصادي، سوداګریزو او تخنیکي همکاریو د پاکستان او قطر ګډ وزارت کمېسیون (Joint Ministerial Commission) د درې ورځنۍ غونډې په پای کې وشو.
له پاکستان څخه پر دې پروټوکول د تجارت مرکزي وزیر (وفاقی وزیر تجارت) جام کمال خان او له قطر څخه د تجارت او صنعت وزیر شیخ فیصل بن ثانی بن فیصل آل ثانی لاسلیک کړو.
د درې میلیارده ډالرو قطري پانګونې ژمنه
د دې پروټوکول تر ټولو مهمه خبره دا ده چې په پاکستان کې د قطر د امیر د درې (۳) میلیارده ډالرو پانګونې پخوانۍ ژمنه په رسمي بڼه تایید شوه. دا پانګونه به د قطر د پانګونې ادارې (QIA) یا د قطر د نورو ټاکل شوو سرچینو له لارې وشي.
د پانګونې بهیر د لا اسانولو لپاره، پر دې ټینګار وشو چې د (QIA) او پاکستان د ځانګړې پانګونې اسانتیا شورا (SIFC) تر منځ دې نېغ په نېغه اړیکه پیاوړې شي. (SIFC) د قطري پانګوالو لپاره په لومړیتوب لرونکو برخو کې د پانګونې د اسانتیاوو برابرولو مرکزي پلیټ فارم وي.
