جنوبي افریقه په راولپنډۍ کې دویمه ټیسټ لوبه وګټله او دوه سیریزه لوبه یې له پاکستان سره په ۱-۱ مساوي کړه. د میلمه ټیم په دې بریا کې د سپنر بالر سایمون هارمر ډېر مهم رول وو. هغه د لوبې په څلورمه ورځ د پاکستان د لوبغاړو منځ ته ور ننوتل او ډېر لوبغاړي یې وسوځول.
د پاکستان مخکینی کپتان بابر اعظم ښه بېټینګ وکړو او ۶۶ رنژ یې جوړ کړل ترڅو خپله لوبډله وژغوري، خو هارمر هغه هم وسوځاوه او د پاکستان مقابله یې ختم کړه. له دې وروسته، نورو لوبغاړيو ښه رول و نه لوبولو او پرلپسې وېکټې غورځېدلې.
د جنوبي افریقی سایمون هارمر په دویمه پاڼۍ کې ۶ وېکټې واخیستې او خپله زړه راښکونکې کارکردګي یې وښودله، په داسې حال کې چې کېشاو مهراج هم مهمې وېکټې واخیستې ترڅو د پاکستان ماتې یقیني کړي.
تر دې وړاندې، جنوبیي افریقه په لومړۍ پاڼۍ کې ۴۰۴ رنز جوړ کړل او په پاکستان یې ۷۱ رنز برتري ترلاسه کړه. په دې کې سینوران متوسامي ۸۹ ناسوځېدلې رنز او کاګیسو رباډا د خپل ژوند ۷۱ غوره منډې جوړې کړې.
د پاکستان له لوري نوی لوبغاړی آصف آفریدي یو ځلیدونکی ستوری وو، چا چې په لومړۍ لوبه کې ۶ وېکټې (۶-۷۹) واخیستې او په ډېر عمر کې د ډېبیو کوونکي سپنر په توګه یې ریکارډ جوړ کړو. خو د هغه دا ښه کوښښونه بریالي نه شول، ځکه چې د جنوبیي افریقه لاندې بېټسمینانو ښه لوبه وکړه او برتري یې وساتله.
په دې بریا سره، جنوبیي افریقه سیریز برابر کړو. دوی په لومړۍ ټیسټ کې په ۹۳ رنزونو له ماتې وروسته ښه راستنیدنه وکړه. د میلمه ټیم دا بریا د هارمر د سپن بالینګ او متوسامي د سخت کار له امله ممکنه شوه، او دې لوبې د پاکستان فرصتونو ضایع کول او په بېټینګ کې ناکامي هم په ګوته کړه.
