د خیبر پښتونخوا په بېلابېلو سیمو کې د امنیتي ځواکونو د وروستیو عملیاتو پر مهال له یاغیانو څخه ترلاسه شوې د امریکا جوړې وسلې او تجهیزات لومړی ځل خلکو ته وښودل شول.

د پاکستاني پوځ او امنیتي ادارو د بریالیو عملیاتو له امله دا وسله او سامان د دوی تر ولکې لاندې راغلی دی. سرچینې وایي چې د نیول شوو وسلو اصلي شمېر تر دې هم زیات دی.

امریکايي وسلې او د وتلو پېښه

سرچینو ویلي چې پر نندارې اېښودل شوو وسلو په ښکاره لیکل شوي چې دا د امریکا د حکومت ملکیت دی.

دغه وسلې هغه دي چې د امریکا او ناټو ځواکونو د افغانستان د وتلو پر مهال هلته پرېښې وې. د امنیتي سرچینو په خبره، وروسته افغان طالبانو دغه وسلې بېلابېلو وسله‌والو ډلو ته ورکړې، څو هغوی یې په پاکستان کې د امنیتي ادارو پر ضد وکاروي.

د وسلو تخریبي او خطرناکه وړتیا

خودکار وسلې

په ترلاسه شوو وسلو کې پرمختللې او خودکار رائفلونه شامل دي، لکه M4، M16 او نور عصري ماډلونه.

د شپې لید (Night Vision) وړتیا

سرچینې وایي چې د دغو وسلو له امله یاغیان کولای شي د شپې په تیاره کې هم د لرې واټن څخه د امنیتي ځواکونو هدف وګرځوي، ځکه چې په دې وسلو کې د نایټ وېژن سیستم موجود دی.

سټیل هېډ ګولۍ

په ترلاسه شوو توکو کې د سټیل هېډ مرمۍ هم شاملې دي. ویل کېږي چې دا مرمۍ د بلټ پروف جېکټ له لارې هم د تېرېدو وړتیا لري.

نور نیول شوي مواد او وسایل

سرچینې زیاتوي چې له وسلو سره یو ځای د امریکا او ناټو لوړ کیفیت لرونکی چاودېدونکی مواد، بارودي تارونه او عصري تجهیزات لکه نایټ وېژن ګاګلز هم ترلاسه شوي دي.

د امنیتي سرچینو په وینا، یاغیانو دغه وسلې او وسایل په ځانګړي ډول په پاکستان کې د قانون پلي کوونکو ادارو پر ضد د بریدونو لپاره کارول.