پاکستان د سختو بارانونو او سیلابونو له کبله سخت ځپل شوی دي. له بارانونو له امله یې د ټول هېواد په کچه تر ۷۰۰ زیات خلک مړه شوي دي او د مړو شمېر لا هم مخ په زیاتېدو دی.
د دې خراب حالت له امله حکومت ژر تر ژره غبرګون ښودلی چې په دې کښې د سیلابونو، زلزلو او نورو ناورینونو لپاره د وزیر اعظم د مرستې صندوق جوړول هم شامل دي.
خو د کابینې د غړو لپاره چې د یوې میاشتې معاش د صندوق ته ورکړي. لومړنۍ لارښوونه بیرته اخیستل شوې، که څه هم نور حکومتي چارواکي به لا هم ونډه واخلي.
وزیر اعظم شهباز شریف په بونیر، خیبر پښتونخوا کښې د سیلاب ځپلو سیمو د لیدنې پر مهال ژوره خواشیني څرګنده کړه. چې د ۲۰۲۲ کال له ویجاړونکو سیلابونو څخه درس نه دی اخیستل شوی. هغه په سختو ټکو په سیلاب ځپلو سیمو کښې د غیر منظم ودانیو جوړول وغندل او د اوسنیو سیلابونو له امله یې د زیانونو د زیاتوالي لامل وبلل.
هغه د سیندونو په غاړو او سیلابونو په لارو کښې د کورونو او هوټلونو جوړول د انسان تېروتنه وبلله او مرکزي او صوبايي چارواکو ته یې لارښوونه وکړه چې په راتلونکي کښې په داسې خطرناکو سیمو کښې د ودانیو جوړولو د منع کولو لپاره پالیسۍ جوړې کړي.
هغه د ناورینونو لپاره د چمتووالي، ځنګلونو بیا کرلو او د ودانیو د مقرراتو د همغږي کولو لپاره د لویو وزیرانو او لویو سیکرټرانو سره د غونډې اعلان وکړو.
وزیر اعظم سمدستي د مرستې اقدامات هم اعلان کړل، چې پکې په سیلاب ځپلو ضلعو کښې د بریښنا بیا رغول شامل دي او د ګلګت بلتستان او خیبر پښتونخوا ته یې لومړیتوب ورکړو. هغه د سیلابونو په خرابولو کښې د ځنګلونو د پرې کولو مهم رول په ګوته کړو او د ونو د بې شمېره پرې کولو سره د مبارزې لپاره یې د یو ملي حرکت غوښتنه وکړه.
وزیر اعظم د قربانیانو سره په مرسته کولو کښې د خیبر پښتونخوا حکومت، پاکستاني پوځ او مرستندویه سازمانونو هڅې وستایلې. هغه د هېواد په وړاندې د بهرنیو ګواښونو او طبیعي ناورینونو دوه اړخیزه ننګونه په ګوته کړه او د امنیتي ځواکونو یې د هغوی د خدمت لپاره ستاینه وکړه. د سیلابونو مالي اغیز خورا مهم دی، چې یوازې په کراچۍ کښې د بیلینه روپیو په تجارتي زیانونو راپورونه شته.
د وزیراعظم د مرستې صندوق مقصد د سمدستي بشري ضرورت پوره کول او د اغیزمنو ټولنو د اوږدمهاله بیارغونې ملاتړ کول دي. خو روان بحران د راتلونکو تراژیدیو د مخنیوي لپاره د هراړخیزو اصلاحاتو عاجل اړتیا په ګوته کوي. چې د ناورین لپاره ښه چمتووالي، د پایښت لرونکي زیربنا پراختیا او د ودانیو د مقرراتو سخت تطبیق باندې تمرکز وشي.
