دا بدلون تیر کال په اګست کښې اعلان شو، خو اوس ټولو استعمالونکی ته لیدل کیږي.
انستاګرام فیصله کړې چې خپل مشهور ګریډ ترتیب بدل کړي ترڅو د مربع پوسټونو پرځای عمودی پوسټونه وښیې او دا بدلون بالاخره ټولو استعمالونکو ته معرفی کړه.
مربع پوسټونه له ۲۰۱۰ راهیسې د انستاګرام برخه وه کله چې پلیټ فارم په اصل کې پیل شو. پلیټ فارم پریکړه کړې وه چې فارمیټ ته دوام ورکړي حتی کله چې نور عمودی ته لاړل. عمودی فارمیټ د کلونو لپاره په انستاګرام کې د خپلو ریلونو لپاره څرګند شوی وو، مګر اوس به په اصلي پاڼه کې هم ښودل کیږي.
دا بدلون د تیر کال په اګست کښې د انسټاګرام مشر ادم موسیري لخوا په یوه کیسه کې اعلان شو. په هرصورت، هغه زیاته کړه چې انستاګرام دا مهال دا فیچر ‘ازمویي’.
اوس په انسټاګرام کې ډیری پوسټونه عمودي دي. عکسونه ۴ په ۳ او ویډیوګانې ۹ په ۱۶ اندازه وي. دا چې دې مربع شکل ته واړوو، ډیر ستونزمن کار دی. نو زه امید لرم چې موږ کولی شو د دې لیږد اداره کولو لپاره یوه لاره ومومو.”
سوشل میډیا پلیټ فارم هغه وخت ویلي وو چې دا به د ټولنې فیډبیک ته غوږ ونیسي مخکې لدې چې دا بدلون دایمي کړي. په هرصورت دا بدلون اوس د استعمالونکو په فیډ کې څرګندیدل پیل شوي دي، په دې معنی چې دا احتمال لري چې دلته پاتې شي.
د انستاګرام ډیری استعمالونکو خپل فیډ په دقت سره تنظیم کړی ترڅو په ګریډ کې لوی عکس وښیې. دا استعمالونکی به احتمال د دې هڅې میوه له لاسه ورکړي.
موسیري مربع فارمیټ د تیر وخت اثار بللی و او ویلي یې وو چې انسټاګرام دا بدلون کوي ترڅو د عصري وختونو کښې په انټرنیټ کښې تولید شوي مینځپانګې غوښتنو سره تازه پاتې شي.
