د پاکستان د سیلابونو د وړاندوينې څانګې (FFD) د نن سهار ۹ بجو د تازه معلوماتو له مخې د سېند سیند د سکهر او کوټري په بندونو کې د منځنۍ کچې سیلابونه روان دي.
په سکهر کې له ۳۶۰,۰۰۰ څخه زیاتې اوبه خارجېږي او په کوټري کې تقریبا ۳۲۰,۰۰۰ اوبه خارجېږي او په دواړو ځایونو کې د اوبو بهېدل ثابت دي. په ګدو بېراج کې د اوبو سطحه ټيټه شوې ده.
خو د جنوبی پنجاب وضعیت د ستلج سیند د ناروجا بهټه په نومی ځای کې د لویې ماتېدو وروسته حالت ډېر خراب شوی. دې ماتېدو په ملتان، لودهران او بهاولپور ضلعو کې ۱۵۰ نور کلي ډوب کړي او په زرګونو خلک بې ځایه شوي. د ملتان او سکهر ایم-۵ موټروې سره نږدې شاوخوا ۲۰ کیلومټره ساحه د سیلاب اوبو لاندې راغلې
په بهاولپور کې د نوښار جدید، سعدالله پور، سوئي والا، نئي بستۍ او بستۍ چکر په ګډون څو کلي ډوب شوي او په لودهران کې آدم واهن، منشي والا، جهانګره او تهلي والا کلي ډوب شوي. جلالپور پیرواله لا هم د اوبو لاندې دی او چارواکي په دې غور کوي چې د سیلاب اوبو د چیناب سیند ته د اړولو لپاره د ایم-۵ موټروې یو ځای مات کړي. یو تخنیکي کمیټی به د دې پلان امکانات وڅېړي.
د موټروې پولیسو ویاند عمران شاه وویل چې د ایم-۵ موټروې د سیلاب له امله تړلې ده. د مسافرو لپاره له شاه شمس او اچ شریف څخه د قامی لویې لارې له لارې بدیل لارې برابرې شوې دي.
