وزيراعظم شهباز شریف د سعودي ولی عهد محمد بن سلمان سره په جدې کښې ولیدل. د دوی دغه لیدنه د سوداګرۍ، پانګونې، انرژۍ او امنیت په برخو کښې د دواړو هېوادونو ترمنځ اړیکې ښې کولو په اړه وه.
د دې لیدنې په جریان کښې د پاکستان د پوځ مشر جنرل عاصم منیر، نائب وزیراعظم اسحاق ډار، او د پنجاب وزیراعلی مریم نواز هم شتون لرلو. دواړو مشرانو د اسلام آباد او ریاض ترمنځ د پوځي همکارۍ په اړه خبرې وکړې.
وزیراعظم شهباز شریف د سعودي عربستان د پاکستان په مهمو برخو کښې د پانګونې د زیاتوالي په اړه د هغوی د ژمنتیا ستاینه وکړه او د دواړو هېوادونو ترمنځ د اقتصادي همکارۍ په اړه یې خبرې وکړې. هغه په ایکس ټویټر کښې ولیکل چی مونږ د پاکستان او سعودي عربستان ترمنځ د سوداګرۍ، پانګونې، انرژۍ او امنیت په برخو کښې د اړیکو د ښه کولو په اړه ډیرې ګټورې خبرې وکړې.
سعودي ولی عهد محمد بن سلمان په سعودي عربستان کښې د پاکستاني ټولنې د ارزښتمنې ونډې په اړه خبرې وکړې. دواړو مشرانو په سعودي عربستان کښې د پاکستاني خلکو د ښه والي او د خلکو ترمنځ اړیکو، کلتوري تبادلې، او د زده کړې په برخه کښې د همکارۍ په اړه هم خبرې وکړې.
وزیراعظم شهباز شریف د سعودي ولی عهد د بلنې پر بنسټ د مارچ ۱۹ څخه تر ۲۲ پورې څلور ورځنۍ رسمي سفر ته راغلی دی. د دې سفر مقصد د دواړو هېوادونو ترمنځ اړیکې او اقتصادي همکارۍ ښه کول دي. د دې سفر په جریان کښې هغه د جدې سره سره مکې او مدینې ته هم سفر وکړو.
دا لیدنه د تیرو کالونو په څیر د اکتوبر ۲۰۲۴ کښې د وزیراعظم شهباز شریف د سعودي عربستان د سفر پر بنسټ ده. چې په هغه وخت کښې یې د سوداګرۍ او پانګونې د زیاتوالي لپاره د ۲ بلینو ډالرو څخه زیات تفاهم نامې لاسلیک شوې وې. وزیراعظم شهباز شریف دې اړیکو ته تل تر تله ملګرتیا او د ګټې متقابل اقتصادي همکارۍ وویل.
