د رویټرز خبري اېجنسۍ ته یوه جرمني ډیپلوماټیکي سرچینې وویل چې د جمعې په ورځ به د جرمني، فرانسې او برېتانیا بهرني وزیران په جنیوا کښې له خپل ایراني سیال سره خبرې وکړي.
دا غونډه چې له امریکا سره په همغږۍ جوړه شوې ده. موخه یې دا ده چې له ایران څخه ټینګ ضمانتونه ترلاسه شي چې د ایټمي پروګرام به یې یوازې د سوله ییزو موخو لپاره کارول کیږي.
د ایراني بهرني وزیر سره تر غونډې مخکې اروپايي وزیران به لومړی د اروپايي ټولنې له استازي سره په جنیوا کښې د جرمني په دایمي دفتر کښې وګوري.
د لوړ پوړو خبرو اترو وروسته د متخصصینو په کچه د منظمو خبرو اترو لړۍ پلان شوې ده.
دا خبرې اترې د اروپايي قدرتونو له خوا د ایران د ایټمي وړتیاوو په اړه د اندېښنو د حل لپاره یوه مهمه هڅه ده.