په ملګرو ملتونو کې د پاکستان دایمي استازي سفیر عاصم افتخار احمد د ملګرو ملتونو امنیت شورا ته خبرداری ورکړه چې له افغانستان څخه د پاکستان پر ملي امنیت ترهګرې ډلې خورا لوی خطر دي. هغه وویل چې نړیواله ټولنه باید د دې ډلو خلاف کلک ګامونه واخلي.

​هغه وویل چې د القاعدې، داعش خراسان، تحریک طالبان پاکستان (TTP)، د ختیځ ترکستان اسلامي غورځنګ (ETIM)، او بلوڅ بېلتون غوښتونکي لکه بلوچستان لېبرېشن آرمي (BLA) او مجید برېګېډ ډلې له پولې هاخوا بې له څه خنډه فعالیت کوي. هغه د دې ډلو د همکارۍ په اړه معتبر شواهد وړاندې کړل. لکه ګډې روزنې، د وسلو غیر قانوني تجارت، ترهګرو ته پناه ورکول او ګډ بریدونه هم شامل دی. هغه زیاته کړه چې د ترهګرو څه باندې ۶۰ کیمپونه د نفوذ مرکزونه دي او په پاکستان کې پر ملکي خلکو، امنیتي ځواکونو او پراختیایي منصوبو بریدونه کوي.

​هغه وویل چې دغه خطره سایبر سپیس پورې رسېدلی دی. د پروپیګنډی نږدې ۷۰ اکاونټونه د افغانستان آی پي ادرسونو ته منسوب شوي چې افراطي پیغامونه خپروي. سفیر احمد ټینګار وکړو چې د دې نیټ ورک د مخنیوي لپاره باید ټولنیزې رسنۍ په مکمله توګه همکاري وکړي.

​پاکستان او چین په ګډه د امنیت شورا له ۱۲۶۷ شنونو کمېټې وغوښتل چې بلوچستان لېبرېشن آرمي (BLA) او مجید برېګېډ ترهګریز سازمانونه وګڼي. هغه له دوی وغوښتل چې پر دې غوښتنې ژر تر ژره اقدام وکړي.

​د تحریک طالبان پاکستان (TTP) ډله چې د ملګرو ملتونو له خوا په افغانستان کې تر ټولو لویه ډله بلل شوې. نږدې ۶۰۰۰ جنګیالي لري. پاکستان د دوی د نفوذ ډېرې هڅې شنډې کړې او ډېر پرمختللي پوځي تجهیزات یې نیولي چې د نړیوالو ځواکونو له وتلو وروسته پاتې شوي وو. خو د دې هڅو لګښت ډېر زیات دی؛ یوازې په یوه پېښه کې د دې میاشتې په یوه برید کې ۱۲ پاکستاني سرتېري شهیدان شول.

​سفیر احمد دا هم ومنله چې د طالبانو څلور کلنې واکمنۍ له لسیزو کورنۍ جګړې وروسته ختمه کړه. خو په افغانستان کې لا هم له بندیزونو، فقر، نشه‌يي توکو او بشري حقونو سره ستونزې شته. هغه په خواشینۍ سره وویل چې د ۲۰۲۵ کال د بشري اړتیاوو او غبرګون لپاره د ملګرو ملتونو پلان ته له ۲.۴۲ میلیارده ډالرو څخه یوازې ۲۷٪ برخه ورکړل شوې ده. هغه شورا ته دا هم یادونه وکړه چې پاکستان له لسیزو راهیسې د میلینونو افغان کډوالو کوربه دی خو په ډېرو مواردو کې نړیوال ملاتړ ورسره کم دی.