د فدرالي حکومت له خوا د پټرولو او ډیزلو بیې لوړې شوې دي. د مالیې وزارت د خبرتیا له مخې پټرول یو لیټر ۴.۸۰ روپۍ او ډیزل ۷.۹۵ روپۍ ګران شوي دي. اوس د پټرولو نوې بیه یو لیټر ۲۵۸.۴۳ روپۍ او د ډیزلو نوې بیه یو لیټر ۲۶۲.۵۹ روپۍ ده.
دغه بیې سمدستي نافذې شوې او د تیلو او ګازو د تنظیم ادارې (OGRA) د سپارښتنو او د مالیې وزارت له تصویب وروسته لوړې شوې دي.
د بیو لوړوالی په داسې حال کښې دی چې بلوچستان د تیلو له سخت بحران سره مخ دی. دا بحران تر ډیره حده د اسرائیلو او ایران تر منځ د جګړې له امله د ایراني تیلو په رسولو کښې د خنډونو له امله رامنځته شوی دی. سرحدي سیمې لکه تربت، ګوادر، پنجګور، چاغي، واشک او ماشکیل نه یوازې د تیلو له کمښت سره مخ دي. بلکې د خوړو له کمښت سره هم مخ دي. ځکه چې د دوی ډیری توکي له ایران څخه راځي. د ډیریو پټرولیم سټیشنونو بندیدو وضعیت نور هم خراب کړی دی.
که څه هم د بلوچستان حکومت ادعا کوي چې په ولایتي مرکز کې د تیلو کمښت نشته. خو راپورونه ښیي چې په سرحدي سیمو کې ۶۰-۷۰ سلنه پټرولیم پمپونه د ایراني تیلو د رسولو د خنډ له امله بند دي. پټ قاچاق شوي ایراني تیل چې پخوا په لوړو بیو پلورل کیدل. د ایراني تیل نور شتون نه لري. چې د خلکو ستونزې یې زیاتې کړې دي. له کراچۍ څخه هم د سړکونو د بندیدو له امله اکمالات خنډ شوي دي. د اسلام آباد میشتې څیړنیزې ادارې دی خراسان ډایري له مخې په ولایت کې په ځینو برخو کې د پټرولو بیه یو لیټر ۳۹۰ روپیو ته رسیدلې وه.
د ولایتي حکومت ویاند د کمښت لامل د ایراني تیلو پلورونکو پټرولیم سټیشنونو بندول وبلل او ویې ویل چې دا د تیلو اړوند ډیری پیښو له امله د خوندیتوب اندیښنې له امله دي. هغه ټینګار وکړ چې حکومت هڅه کوي د ریجسټر شویو پمپونو له لارې د تیلو قانوني اکمالات یقیني کړي او د احتکار یا د خدماتو له ورکولو څخه د انکار په وړاندې د سختو اقداماتو خبرداری ورکړ.
د اسرائیل او ایران تر منځ روانې جګړې د تیلو په نړیوالو بازارونو کې د پام وړ بې ثباتي رامنځته کړې ده. او د جمعې په ورځ د تیلو بیې لوړې شوې. د انرژۍ کارپوهان خبرداری ورکوي چې نوره جګړه کولی شي بیې نور هم لوړې کړي.