په خیبر پښتونخوا کې، د اورکزو په ضلع کښې د امنیتي ځواکونو او ترهګرو ترمنځ یوه سخته او لویه ډزې تبادله شوې. د دې ډزو په نتیجه کې د فرنټیر کور (اېف سي) ۶ زړورو ځوانانو خپله وینه توی کړه او شهیدان شول. امنیتي سرچینو ویلي چې دا حمله د اپر اورکزو په ماموزي سیمه کښې، په ‘هلکې کډه’ نومې ځای باندې د امنیتي چیک پوسټ په نښه کولو سره وشوه.
امنیتي سرچینو تایید کړه چې دا ډزې تبادله نږدې ۲ (دوه) ساعته روانه وه. په دې سختی ډزو کښې، د اورکزو سکاوټس فرنټیر کور ۶ سرتیري شهیدان او ۶ نور ژوبل شول.
د اېف سي ۲۱۶ وېنګ هغه ځوانان چې د ترهګرو په وړاندې یې په زړورتیا سره جګړه وکړه او شهیدان شول. د شهیدانو نومونه دا دي:
حوالدار عبدالرحمن
نایک عظیم شکور
سپاهي امتیاز
سپاهي فیاض
سپاهي عبدالبصیر
سپاهي کامل شاه
ژوبل شوي ۶ ځوانان سمدستي نږدې روغتون ته د علاج لپاره رسول شوي، چیرته چې ورته طبي مرستې ورکول کیږي.
امنیتي سرچینې وايي چې د فرنټیر کور ځوانانو په ځوابي ډزو کې ډیر شمیر ترهګر هم وژل شوي دي. په سیمه کې د پاتې شوو ترهګرو د له منځه وړلو لپاره د لټون عملیات روان دي.
دا باید په یاد وي چې په اورکزو کې له څو ورځو راهیسې د ترهګرو خلاف پراخ عملیات روان دي. امنیتي سرچینې وایي چې تر اوسه پورې په دې عملیاتو کې ۴۰ خوارج (ترهګر) وژل شوي دي. خو په دې مبارزه کې هم قوم ډیرې غټې قربانۍ ورکړي دي. په روانو عملیاتو کې تر اوسه پورې د لیفټیننټ کرنل په ګډون ۲۲ ځوانان شهیدان شوي دي.
امنیتي ځواکونو هوډ کړی چې دوی به له ملک څخه د ترهګرۍ دا بلا په مکمله توګه ختمه کړي او د وطن په دفاع کې شوې دا سترې قربانۍ به بې ځایه لاړې نه شي.
